اهلا باجمل و احلي فتوكات
بحبكوا اوي
مكتبتش هنا قبل كدا اصلا انا متعقدة من موضوع الريجيم ده بس اديني بحاول
سوري مقصدش اقلل من حناسكوا
المهم ايه الرغي ده !?
موضوعنا انا في طريقة باكل بيها الكوسة صحية جدا و جميلة و كل مكوناتها عندك في الثلاجة و الخزين علشان كدة اللي بتحب الكوسة تاخد بالها معايا و تنفذ علطول
هنعمل سلطة جميلة
المكونات :-
زيتون اسود و اخضر
بقدونس
ثوم
بشر ليمون
بشر برتقال
عصير برتقالة واحدة
كوسا حسب الكمية مقطعة رفيع شبه البطاطس المقلية بس ارفع سنة
زيت زيتون
ملح و فلفل
الطريقة :-
نقطع البقدونس و الزيتون و الثوم و نحط الملح و الفلفل و بعدين البشر و نقلب و بعدين العصير و نقلب
نحط زيت زيتون علي الكوسا و نقلب
نحط الخلطة علي الكوسا و كلي و ادعيلي
تحفة بجد يا فتاتيك بس للي بيحب الكوسا و له القدرة و التحمل و الارادة و الاصرار علي الريجيم
اشوكوا تاني و كان نفسي اصورهالكوا بس المرة الجاية
يا ريت تدعولي بتقدير عالي في النتيجة
الي اللقاء مواضيع هذا القسم برعاية
فتكاات فتكاات 144530_1.gif فتكات متميزة Fatakat 144530 دمياط – مصر