السلام عليكم ورحمة الله وبركاته … مشكلتى بدأت لما كنت صغيرة من وعندى 10 سنين أنا دلوقتى عمرى 17 سنه كنت بحس بآلام شديدة فى بطنى وخصوصا معدتى ومش بقدر آكل وحاسه بألم وحموضة وكنت برجع الأكل اللى أكلته من 3 أيام سليم آخدين بالكوا !! طبعا رحت للدكتور وعمللى تحليل دم وطلع عندى الميكروب الحلزونى اللى هى الدودة الحلزونية وادانى دوا اسمه هيليكيور ومهضم وقالى امشى عليه اسبوعين ورحتله تانى وقلتلوا انى لسه بحس بآلام كان مستغرب ورحت لدكتور تانى كرر نفس العلاج وقلتله أنا لسه تعبانه جدا راح قالى انتى بتدلعى !! ورحت لدكتورة تانيه وقلتلها أنا كررت العلاج كذا مرة ومرتحتش قالتلى أنتى شكل عندك حاجة غير الميكروب الحلزونى ولازم نكتشفها وقالتلى اعملى منظار لكن للأسف ده غالى أوى وأهلى مش قادرين يعملوه فقالتلى خلاص امشى على العلاج ده وهو: موتيليوم وايزوبروتوكول ورانتدين ورحتلها تانى وكنت حاسه بتحسن فقالتلى امشى عليه طول عمرك ومتوقفيش العلاج ده ودلوقتى الدوا بقى مش عامل حاجة وبقالى فترة مش مسترحية خالص ووزنى قل لأن معدتى مش بتستفيد من الأكل خالص وضغطى واطى جدا وتعبانة ودايخة علطول وجاتلى انيميا وعندى آلام شديدة جدا فى معدتى وبعيط وبدعى ربنا والدكاترة مستغربين لأن سنى صغير يا فتوكات فيدونى هو فيه حد فيكوا أو حد تعرفوه كان عندوا حالتى وخف ولا لأ واللى كان عندها فيكم وخفت ممكن أعرف ايه هى الخطوات اللى عملتوها وايه هى الأدوية اللى أخدتوها بالله عليكم حد يفيدنى.
(*النجمة الذهبية*) (*النجمة الذهبية*) فتكات حبوبة Fatakat 1127684 الإسكندرية – مصر
سبحان الله و بحمده