السلام عليكم يافتوكاتو انتى وهيه
….
نبتدي بالنصيحه الهامه جداا جداا وهى
اوعى اوعى تلمسي عين السمكه بايدك
لانه عين السمكه مرض معدى
….
تانى حاجه هيه عباره عن ايه؟؟
تقريبا ورم حميدي
اى زياده فى الجلد وبتنتشر فى الجلد
…
تالت حاجه: اشمعنى جتلى يعنيعمرها ماجتلى؟؟
لان اغلب اللى بيتصابو بيكون عندهم
نقص فى المناعه بحيث بتكون فريسه سهله
لعين السمكه ..لانها بتنتشر اسرع من انو
جسمك يطردها
…
واعرف ازاى انو عندى نقص مناعه؟؟
تعملى تحليل دم نقص المناعه
وبيكتبولك علاج
…
طب دى بتظهر امتى؟؟
هيه بتقعد فترة حضانه وتبتدي فى الظهور
وتحسي بوجع بسببها
كانك ماشيه على حصي
وفترة الحضانه بتاخد 3 شهور
…
طب ايه افضل علاج ليها لان انا فيه ناس قالولى بالجراحه وناس تانيه
قالولى احط عليها بلالاستر وانامش عارفه الحل النهائي ليها؟؟
افضل علاج هو كي بالتبريد
وده عباره عن سائل نيتروجين مضغوط فى بخاخ بيرش على
المكان المصاب وبيموت كذا طبقة من الجلد
وهيسبب بعد يوم او اكتر بقليلة مية وتقومى تشتري
بجنية سرنجه وتقومى تفضي الميه اللى فيها
….
اشمعني ماعملهاش جراحه او مس او بلاستر..اشمعنى الكى افضل؟؟
لان الجراحه او غيرها مش بيموت عين السمكه
يعني ممكن الدكتور وهوا بينخور فى عين السمكه عشان
يشيل اساسها تقوم ماتشيلش حته
ويقولك خلاص خلصنا
وبعد شهر تقوم تظهر تانى
وتقولى يووووه جتلى تانى
وهيه اساسا ماراحتش اولاني
…
طب ولغاية امتى؟؟
انتى بتروحى تعملى كي بالتبريد كذا جلسه
وتعرفي انك اتحسنتي فى انك لما تمشي علي
عين السمكه ماتوجعكيش
كده يبقي قربنا لنهاية عين السمكه
وبتروحى كل اسبوعين تعملى جلسه
…
وازاى هتروح من جسمي؟؟
لما الجلد يموت بسبب الكى
الجلد بيبوش وبعدين بتقشر
وكده هتقع عين السمكه مع الجلد الميت
…
طب اتعالجتى فين؟؟
فى القصر العيني
…
طب تجربتك ايه؟؟
انا اصلا المعلومات اللى بقولهالكو انا بحثت عنها بنفسي على النت
وبقعد اسال كل دكتوره فى القصر العيني كل مره بروح اكشف فيها عشان الدكتوره تكتبلى على كي
يعنى قرفتهم من الاخر ههههههه
ماحدش فى مستشفيات الحكومه بيقولو حاجه
اكشف عالمريض_اكتب روشته_اقلب المريض
انا طلعتلى فى رجلى وللاسف نقلت فى صباع ايدي
وعملت رجلى وايدي كذا جلسه
وايدي عملتها 3 جلسات ومن كام يوم وانا باخد دش
باش الجلد الميت ولما جيت احطلها مرهم لقيتها وقعت الحمدلله
ففرحت وقولت افيدكو يافتوكاتو
فاضل بقي رجلى
…
ملالالالالالالالالالالالالالاحظه
لازم تحاولى كل يوم تفتشي رجلك تفتيش
وتشوفى اذا كان فيه نقطة سوده تحت الجلد
وتكون اشعة الشمس على رجلك عشان تقدرى تشوفيها
لانها هيه دي عين السمكه وهيه فى فترة الحضانه
ولسه هاا تكبر
عشان تلحقيها وتعملى كي بالتبريد عليها
لانها لو كبرت هتوجع رجلك وهتاخد جلسات اكتر
…
معلش طولت عليكو بس فى الاطاله افادة
وياريت تقيمونى والموضوع يتثبت عشان كل فتوكه تعرف الحل
وانا جاهزه لاي اسئله
بوبو^_^ بوبو^_^ فتكات رائعة Fatakat 474916 cairo – egypt