السلام عليكم
حبيت يا جماعه اشارككم اللي حصل معايا اليومين اللى فاتوا
انا يا جماعه برضع بقالي شهرين الا كم يوم اهو
المهم انى لقيت في صدري زي بليه كده فقلقت منها لانها طولت اسبوعين في نفس المكان
فاتصلت بالدكتور اللى ولدت عنده قالي روحي جراحه اتطمنى احسن
المهم رحت لدكتور الله يسامحه مكان ماهو قاعد
قالي دي ورم ولازم عمليه باسرع وقت وتتحلل
لانها ممكن تبقى لا قدر الله حاجه وحشه ولو حاجه حميده وفضلت ممكن تتحور لخلايا سرطانيه
طبعا انا سمعت الكلمتين دول حمدت ربنا وسكتتتتتتتت وهو يقول لجوزي تتحسد علي هدوء اعصابها
طبعا الكلام ده كنا متاخر فاستنينا لتاني يوم ورحت لدكتور تاني جيت اقله عاللي الدكتور قالهولى شاورلي اسكت وقالي خير ان شاء الله
والحمد لله اول ما كشف قعد يضحك قالي دي تكتلات لبنيه وعندك كتير كمان مش واحده بس في الناحيتين
عملى اشاعه احتياطي عشان اتطمن كمان
والحمد لله عدت على خير بعد ما شفت يومين زي الفل وبابا كان هيروح فيها من الزعل يومها والله
يا احلى فتوكات ياريييييييت كلنا كلنا ناخد بدل راي الدكتور اتنين وتلاته كمان ومانصدقش كلام الا لما نتاكدربنا يسلمنا ويحفظنا جميعا اللهم آمين
ام مايا 84 ام مايا 84 images/flowersavatars/avatar0021.jpg فتكات متميزة Fatakat 450786 فوق القمر – قلب زوجي