السلام عليكم ورحمه الله وبركاته
يا رب تفيدوني يا بنات
انا ركبت اللولوب الهرموني من اسبوعين واثناء التركيب ما حستش باي الم
والغريبة ان الدكتورة نادت دكتورة غيرها تساعدها لانها ما كنتش عارفة تثبتو
ولقيتها بتقولي اصل الرحم عندك مقلوب فسالتها يعني ايه يا دكتورة قالتلي يعني متشقلب
ده على اساس ان ثقافتي بنجالي مثلا ؟
المهم ركبتو وقالتلي هديكي مسكن قولتلها ليه؟ هو انا المفروض احس بوجع يعني ؟
المهم روحت البيت وانا عادي خالص
حصلت العلاقة 3 او اربع مرات خلال الاسبوعين دول بس اتفاجات اخر مرة ان فيه دم بسيط اوى
1.فمش عارفة بقى بصراحة هل ده عادي ولا كده يكون اللولب اتحرك من مكانه
2.ولا بما ان الرحم عندي مقلوب ممكن اللولب يتحرك او يقع ولا ايه ؟
3.ياريت حد يفهمني ايه الرحم المقلوب ده واشمعنا اكتشفوه دلوقتي ما انا عندي بنتين ومحدش جاب سيرة القلبة دي قبل كده ولا ممكن يكون اتقلب بعد الولادة ولا ايه ؟
يا ريت تفيدوني في ال3 اسئله دول
ام مـــريـــم ام مـــريـــم فتكات هايلة Fatakat 776848 ابوظبي – الامارات