السلام عليكم ورحمه الله وبركاته
بسم الله نبدا
المقادير
اولا اللحم
كيلو لحم قطع
نص كوب مسترده
ربع كوب خل
معلقه سكر
3 معالق زيت
ملح وفلفل وبهارات لحم
عصير لمونه
توم مفروم
3 بصلات كبار مفرومين
نص كوب كريمه لبانى البديل (كوب لبن مدوب فيه معلقه دقيق )
الطريقه
هنحضر طاسه ونحط فيها سمن اوزيت ونجيب اللحمه فقط من غير تتبيله ونديها صدمه ولون وبعد كده نحط عليها فلفل اسود وبهارات بعد ماتاخد لون هطفى عليها وهكون محضره التتبيله دى
(مسترده – زيت – لمون – خل – ملح وفلفل- سكر-توم – )
هحط اللحمه ف التتبيله دى ساعتين
بعد الساعتين هجيب حله وهحمر فيها البصل المفروم وانزل عليها باللحمه واسيبها تستوى لو احتاجت مايه اضيف قبل اليوا بشويه اضيف نص كوب الكريمه اللبانى او بديلها تاخد كام غلوه وتتقل اطفى عليها
طريقه الرز المبهر
المقادير
نص كيلو رز بسمتى
بصله مفرومه
توم مفروم
زيت
معلقه كبيره صلصه
مكعب مرق
ورق لورو
ملح – فلفل – بابريكا – كارى – كمون –
مايه مغليه او شوربه
الطريقه
ف حله ع النار هندبل البصل ف الزيت وننزل عليه بالتوم والصلصه ومكعب المرق ونضيف الرز تقلبتين واضيف المايه او الشربه المغليه وجميع البهارات السابقه يغلى اهدى عليه لحد السوا
اسيبكم مع الصور
اى استفسار انا موجوده يارب الاكله تعجبكم مواضيع هذا القسم برعاية
ساجدة غفران ساجدة غفران 257302_19.gif شيف فتكات Fatakat 257302 القاهره _ الحلميه الجديده – مصر