انا النهاردة حقدملكوا طريقة عمل عجينة اللازنيا …
لأنها اوفر بكتييييييييير من اللى بتتباع فى السوبر ماركت
المقادير:
* 5 بيضات
* 5 كوبيات دقيق
( او اقولكم على حاجة ابتدوا الأول ب3 كوبايات
ولما تلاقوا العجينة محتاجة ابقوا زودوا شوية شوية) *
خدوا بالكوا باة كويس من الحتة اللى جاية دى
لما نكسر البيض طبعا بيتقسم نصين …
حناخد نص واحد ونملى مقداره مرتين زيت
( ها فهمتوا حاجة )
او نقول لكل بيضة معلقتين زيت
* ماء حسب احتياج العجينة
الطريقة
:
ــ نكسر الخمس بيضات ومعاهم الزيت
ونبتدى نضيف الدقيق
لحد ما تتكون معانا عجينة سهل تشكيلها وفردها بالنشابة
ــ نسيب العجينة تهدى شوية يجى كده 15 دقيقة
ــ بعد كده نفرد العجينة على رخامة المطبخ
( بس تكونوا رشين دقيق الأول ع الرخامة )
عاوزين عجينة رقيقة جدا
ــ نقطع العجينة المفرودة
على شكل مربعات لا كبيرة ولا صغيره
( اد نص كف ايديكوا يعنى )
ونعيد الموضوع لحد ما الكمية تخلص
ــ نكون مجهزين على النار حلة ميه مغلية
.. ونبتدى نسلق مربعات العجينه (يعنى نحط 5 ..5 )
لما العجينة تبتدى تطفو على وش الميه تبقى كده استوت
.. ننشلها من الميه على طبق
وبكده تكون العجينة عندنا جاهزة
لعمل احلى لازنيا فى الدنيا
على فكرة الكمية دى ممكن تاخدوا منها اللى يكفيكوا
والباقى تشيلوه فى طبق فويل فى الفريزر
لمرة تانية
اما عن طريقة عمل اللازنيا نفسها
فهى نفس طريقة عمل المكرونة البشاميل واى خدمة
لحم مفروم معصج بشاميل
هنحط طبقة بشاميل في الصينية وفوقها واحدة لازانيا
وبعدين اللحمة المعصجة ثم بشاميل
ثم لازانيا ثم مفروم وبعدين بشاميل
وهكذا ( الارتفاع اللي تحبيه انتي ) انا عملت 3 طبقات
وفي الاخر بشاميل وجبنة رومي او متزاريلا
ودخليها الفرن وكلي احلى طبق لازانيا من صنع ايدك
وبالهنا والشفا يا فتوكات
مواضيع هذا القسم برعاية
الامورة الفراشة الامورة الفراشة 194653_3.gif فتكات غالية قوي Fatakat 194653 العمرانية الشرقية * الجيزة * قريب من شارع الهرم – مصر