السلام عليكم ورحمه الله وبركاته
يارب تكونوا بالف خير وصحه ياقمرات
جه فى بالى اعمل فتوكه حلوة كدا وادخل المطبخ واعمل اكل جديد بالنسبه ليا اهو يبقى حبه تغيير
ولانى من عشاق الباستا بكل انواعها بس غالبا كنت باكلها فى المطاعم بس مش بعرف اعمل الانواع الايطالى دى اوى
بس قلت على مين بقا والله لاتحدى نفسى واعملها وقد كان ودخلت المطبخ اشوف المقادير الحمد لله لقيتها موجوده
المقادير يابنانيت كانت عباره عن 2 كوب دقيق و4 بيضات ويتعجنوا كويس اوى اوى فى الكبه بقا او على ايدك او العجانه مش هتفرق المهم يتعجنوا ومن غير ميه يابنات ولا تقولى العجينه ناشفه ولا مش ناشفه لو حطيتيلها ميه هتقطع منك فى المكنه وعن تجربه والله
المهم انا عجنت العجينه وسبتها ترتاح فى التلاجه ساعه بالتمام والكمال
لالالالالالالالالالالالالالالازم ترتاح والا مش هتاخدى النتيجه اللى انتى عايزاها
بعد الساعه ماعدت قطعت العجينه وجبت المكنه بتاعتى وعلى اوسع درجه وبدأت افرد العجينه
واقلل الدرجه وافرد تانى وهكذا لحد ما اوصل لاخر درجه
وجبت قطاعه البيتزا وقطعتها شرائح وطبعا مغطياها بدقيق عشان ماتلزقش فى المكنه وفردتها فى مكان هوا عشان تنشف ويستحسن تسيبيها تنشف خالص يعنى تعمليها قبلها بيوم مثلا
فضلت حته عجينه تانيه دخلتها فى الجزء اللى بيعمل الشرايط
نيجى بقا لطريقه عمل اللازانيا
سلقت اللازانيا كويس وطلعتها فى مصفاه وحضرت الحشوات اللى كانت عباره عن لحمه مفرومه معصجه ومضاف ليها عصير طماطم وصوص بشاميل وجبنه موزريلا
فى الصينيه ندهن القعر صوص بشاميل ونحط شرائح الللازانيا ونحط فوقها اللحمه ونرش جبنه وفوقها طبقه تانيه من اللازانيا وهكذا لحد مانخلص الصينيه بحيث تكون اخر طبقه للازانيا ونرش فوقها جبنه وتدخل الفرن وتطلع تترك تبرد وتقطع وتقدم زى ما فى الصوره كدا
اما الفيتوتشينى هو مش قيتوتشينى اوى يعنى ههههههههههههههههههه لا بجد مالقتش غير انى اعمل المكرونه الشرايط دى غير بباقى اللحمه المعصجه اللى كانت فاضله من اللازانيا وادى صورتها اهيه
يارب تعجبكوا مواضيع هذا القسم برعاية
قرصانه قرصانه 206340_3.gif ممنوعة من المشاركة Fatakat 206340 الاسكندريه – مصر