اهلا وسهلا با حلى فتوكات
النهاردة معادنا مع الكشك الصعيدي لكن على طريقتي انا
يالا نشوف بس الاول صلوا على خير الانام
اول شئ المكونات
كشك .. 3معالق كبيرة زبادي
طماطم .. كوب لبن .. 4 م ك دقيق
للتزيين بصل وفلفل اخضر
اول شئ هاحط الكشك يتبل فى اللبن عشان يبقى طري
هما 5 دقليق هايكون بقي تمام اوي
لما يطري ويسيب من بعضه كده
بعد كده احط الشوربة على النار لحد ما تغلى
على ما الشوربة تخلى هاضيف الكشك باللبن بتاعه والزبادى وال4 معالق دقيق واخلطهم على بعض
ملحوظة يا بنات الوصفة ممكن تستغنى عن الكشك وتعمليها بالزبادي والدقيق بس يعني اضيف الدقيق والزبادي واخلطهم واحطهم على الشوربة اللي بتغلى واقلب لحسن يتحرق من تحت خلي ايدك فيه على طول لحد ما الدقيق يستوى وطعمه يروح والقوام بتاعه يبقى سميك كده
وده شكلهم بعد التقليب
واضيفه للشوربة اللي بتغلى واقلب لحد قوامه ما يبقى سميك
واغرفه فى البولة
اثناء ما بيستوي على عين تانية واجهز الصلصة اللى ها حطها على الوش
فى اناء احط الزيت وبصل واقلب لغاية البصل ما يصفر واضيف الطماطم
واخليها تتسبك وتبقى ذي صلصة الكشري كده
بعدين بغرف الكشك فى بولة
واضيف عليه الصلصة
وفاكرين البصل والفلفل الاخضر بتوع التزيين خدتهم وقليته فى زيت كتير
عشان يقرمش ويسرع معايا الوقت .. وزينت به الطبق
كمان ضيفت معاه قطع فراخ محمرة على الوش
بصوا يا جماعة اللي عايز يضيف رز يضيف بس انا بحبه كده من غير رز .. وطبعا الرز بيكون مستوي وبخلطه مع الكشك
ويارب يارب اصلح حال بلدنا واجعلها احسن بلد فى الدنيا
واكفينا شر اعداؤنا جوه وبره يا رب
فى امان الله والتقيييييييييم لا تنسوه
بصوا بس تعالوا اضحكم على موقف حصل بمناسبة الكشك .. ودي حقيقي
كان مرة واحد مصري مسافر دوله عربيه وبعدين فى المطار طبعا بيفتشوا المسافرين فلما الراجل بتاع المطار شافه الكشك قال للمصري
وي وي وي ايش هدا قنابل
وبلغ ادارة المطار ان واحد معاه متفجرات
وما انقذشي الراجل غير انه اكل من الكشك قدامهم بعدها سابوه
مواضيع هذا القسم برعاية
لورا بيسان لورا بيسان 812709_29.gif فتكات غالية قوي Fatakat 812709 بيتي – egypt