السلام عليكم ورحمه الله وبركاته
ده شكله قبل مايستوي للي مش عارفينه هو عباره عن قمح كامل معجون بطريقه معينه بلبن رايب وبيتعمل كور وينشفوه واحنا بنشتريه من الفلاحين كده
انا بليته ف ميه عشان يلين ربع ساعه
هو بيتعمل بطريقتين
طريقه زي كشك الالماظ كده بشوربه دسمه
وطريقه تانيه هاعلمهالكم دلوقت
بعد مالكشك يلين نصفيه من ميته ونعصره جامد
ونجيب معلقه سمن بلدي ف طاسه على النار ونحط الكشك فيها ونقلبه هو هايبقى فتافيت طبعا
هانشوحه تشويحتين كده دقيقتين يادوب
ونجيب بيضتين بلدي من الفرخه ال فوق السطح
ونكسرها على الكشك ونقلبها عليه دقيقتين او حسب مابتحبي سوا البيض لو بتحبيه نص سوا يبقى قلبي وشيليه بسرعه او سويه كامل لو حبيتي
ورشه ملح وفلفل اسود طبعا
وماتنسوش التقييم مواضيع هذا القسم برعاية
ام سموره العسل ام سموره العسل images/avatars/abstract3.gif فتكات غالية قوي Fatakat 271535 الغربيه – مصر