ازيكم يافتوكات يارب تكونو بخير عملت النهارده كشري مصري وقلت لازم اوريه ليكم طب مش هيكون حلو زي اللي بتعملوه بس اهو علي قدي بس يارب اشوف ردود حلوه كده زيكم وتقييم طبعا اصل في فتوكات بخلا مش بيحبو يردو وانا والله بتعب في التصغير وكتابه الصور .وعوزاكم زي ما بطلب منكم دايما تدعوا لاولادي بالشفاء وتدعولي بطفل سليم افرح بيه انا وجوزي
بعد الرغي الكتير خدوا صوره لطبق الكشري تفتح نفسكم
ف الاول سلقت العدس في مايه وسنه كمون ولما قرب يستوي حطيت عليه الملح
وده شكله بعد ما استوي
نيجي للمكرونه انا بعمل مزيج من المكرونه الصغيره والاسباجتي وطبعا لما المايه بتغلي بحط المكرونه والملح فيها لحد ما تستوي
بعد ما بتستوي المكرونه بحطها في طاسهوعليها سنه زيت وكمون وكسبره ناشفه عشان تكون طعمه مش مسلوقه وده بيغير طعمها خااااااالص
نيجي لارز بالشعريه طبعا ده سهل بحمر الشعريه وبعدين احط الارز ولما يخشخش كده احط المايه السخنه عليه
وهنا حطيت الارز
بالنسبه للبصل اللي هو ورد الكشري انا بقطع البصل جوانح واحط سنه ملح وبعدين ابدره بالقيق وع الزيت ويكون الزيت حامي وغزيييييييييييير عشان يبقي مقرمش وحلو
وهنا لما اتحمر
بالنسبه بقه للصلصه الطماطم انا ببشر بصلايه صغننه وادبلها واحط عليها 5 فصوص توم واشوحهم معاها وبعدين احط الطماطم المعصوره وفلفل اسمر سنه صغننه كمون وكسبره ناشفه وشطه للي يحب ولاني بحب الاكل حامي اووووووووي فباخد جزء من صلصله الطماطم ليا علي جمب واحط عليها شطه كتير واسبكها مع بعض معلش يابنات الصور بتاع الصلصه اتمسحت والله واليكم الشكل النهائي لطبق الكشري اللي كلنا بنمووووووووووووووووت فيه
متنسويش يابنات بالدعاء بالطفل السليم وادعو لاودي ويارب طبقي يعجبكم ومتنسوش التقييم يابنات لو عجبكم موضوعي مواضيع هذا القسم برعاية
اولادي هما حياتي اولادي هما حياتي 539420_2.gif سوبر فتكات Fatakat 539420 القاهرة – جمهورية مصر العربية