[size="5"]ازيكم يا فتكوات
عملت النهارده كشرررري مصري قولت اجبلكم طبق يدفيكم في البرد ده
المقادير ،،،،
مكرونه عقل و اسباكتي حوالي نص كيلو
ربع عدس بجبه
طماطم
ثوم
شطه
خل
نص كيلو أرز
بصل
ندخل بقه علي ألطريقه دي طريقه سريعه في طريقه تانيه بيبقي الرز بالشعريه و العدس لوحده،،بس دي من غير شعريه
سلقت المكرونه عادي خالص وحطيت عليها زيت و ملح علي المياه،،وسبتها في مصفاه تتصفي ورشيت عليها زيت علشان ماتعجنش
وبعدين سلقت العدس نص سلقه مع ملح و كمون و لما قرب يدخل في السوا جبت حله فيها زيت وحطيت الرز و عليه العدس و شوحتهم شويه في الزيت وحطيتلهم
ملح و كمون و حطيت مياه العدس و كبايه مياه سخنه و غطيت الحله ولما غليو وطئت النار خاااالص ،،،
البصل بقه قطعته جوانح و رشيت عليه شويه دقيقه وملح و حطيته في زيت بيغلي وفضلت اقلب و لما احمر وبقه لونه بينك طلعته و طلع مقرمش وجميل
الصلصه بقه قطعت الطماطم وضربتها في الخلاط و جبت طاسه فيها معلقتين زيت من اللي قليت في البصل و حطيت توم و بصله مفرومه ولما احمرو حطيت عليهم عصير الطماطم. ملح و فلفل و سبتهم مع نفسهم ،،،،
الدقه بقه توم و خل و ملح و كمون و شطه وشويه مياه دافيه
والشطه زي ماتحبو انا بحط طبق صلصه لوحده عليه شطه
و اللي بيحب الحمص بينقعو قبلها بيوم و يتسلق عادي و يتحط علي الكشري
مواضيع هذا القسم برعاية
جاره القمر جاره القمر 81091_4.gif فتكات رائعة Fatakat 81091 مصر – في بيتي