موضوع مميز الادارة
ازيكم يأحلي فتوكات النهارده جايبه ليكم غدانا النهارده (الكشري المصري بالصلصه ) والحمد لله طلع رررروعه قلت انزله لأخواتي الفتوكات وان شاء الله يعجبكم .
بسم الله نبتدي
نجهز الصلصه
ندبل التوم علي النار وننزل عليه بالطماطم المعصوره في الخلاط ونحط الملح والفلفل وشطه بس انا محطيتش عشان ولادي صغيرين والخل ونسيبها تتسبك بحيث يكون سمكها مش تقيل ولا خفيف ، تابعوا بالصور
نجهز العدس بنقعه من بالليل في المايه عشان يطلع مش مهري معايا …ونحطه في مايه وملح وفص واحد توم مقطع صغير اوي ونسيبه يستوي …
هنا بعد ما استوي وصفيته من مايته …
الرز : نغسل الرز ونسويه بالطريقه العاديه معلقه سمنه ونشوح الرز شويه فيه عشان يطلع مفلفل معايا وبعدها نضيف المايه المغليه عليه ونسيبه يتشرب مايته خالص …
بعد ما الرز استوي بنسبه 70 في المايه احط عليه العدس بتاعي واسيبه يكمل السوي مع بعض…
المكرونه : انا بحب احط كل انواع المكرونه اللي عندي مع مراعاة طبعا السوي بتاع كل نوع …
بعد ما المايه تغلي وعليها شويه ملح ونقطه زيت ننزل بالمكرونه ونسيبها تستوي..
الشعريه : نحمر شويه شعريه في نص معلقه سمن لحد ما تحمر ونحط عليها المايه يدوب تكون مغطياها وشويه ملح وفص توم واحد مقطع صغير اوي ونهدي النار عليها خالص لحد ما تستوي …
هنا الشعريه استوت خالص طعمها كده بتكون حلوه اوي بجد ..
ونضيفها علي المكرونه ونقبلهم سوي …
كده الكشري بتاعي بقي جاهززز ونقدمه مع الصلصه اممممممممممم ياعيني علي الطعم يارب يعجبكم بس معلش نسيت اصور البصل ( احنا بنقطعه ونحمره في الزيت بالطريقه العاديه ونسيبه يبرد عشان يطلع مقرمش)…
يارب طبقي يكون عجبكم وياريت ما تبخلوش بردودكم الحلوه والتقييم ياقمرات
ودي معجناتي والبيتزا بتاعتي
https://fatakat.univanet.com/#1873492 مواضيع هذا القسم برعاية
الداعيه ربها الداعيه ربها 465656_61.gif اللهم اشف امي شفاءا عاجلا Fatakat 465656 تبــــــوك – السعوديه