انا حامل فى الشهر السابع ناقصلى كام يوم و ابقى فى الثامن و مش عارفه اخف من الكحه اخدت ادويه اد كدة الدكتور النسا بتاعى كان كاتبلى فوار اسمه (سيفامول)و دواء شرب اسمه (بلسم )بطعم الفواكه عباره عن خلاصه مجموعه من الاعشاب بس معملشى اى حاجه
روحت لدكتور باطنى قالى انتى صدرك مقفول خالص و كتبلى مضاد حيوى اسمه (ميجامكس)و دواء كحه اسمه (ابيكو فيللين) برضه معملشى حاجه روحت لدكتور تانى باطنى ادانى 3 حقن اسمها (فورتام) كل يوم واحده برضه الكحه مرحتشى رحتلوا تانى قالى مينفعشى اديكى مضاد حيوى تانى انتى عندك ميكروب قوى جدا تاعبك هو اللى واجعلك عضمك و صدرك و بيخليكى ترجعى و جايبلك الكحه دى
و ادانى فيتامين اسمه (فيتاماونت) و دواء كحه اسمه (بنتا مكس) انا برضه لسه تعبانه اوى الكحه مكسره عضمى و خايفه اوى على النونو بحس ان الكحه بتعصر بطنى مش عارفه اعمل ايه انا فقدت الامل انتى اخف انا مش عارفه اخد نفسى و جوزى متبهدل معايا مش عارف يودينى فين و انا اصلا قلقانه من الادويه الكتير اللى اخدتها دى مش عارفه اعمل ايه و الله لو حد يعرف يفيدنى يقولى بالله عليكم احسن انا تعبانه اوى بجد مبعرفشى انام من الكحه و مناخيرى و البلغم
المشرق الوجة المشرق الوجة فتكات نشيطة Fatakat 677511 الجيزه – مصر
سبحان الله و بحمده