السلام عليكن يابناتيت
بصو
انا عملت اول امبارح كبسة باللحمة وكانت طعمها جميل اووي وكنت وانا بعملها بصور كل خطوة عشان خاطركو بس مش تزعلو لان الصور زباله لانها من موبايلي الزباله ادعو ربنا يشفيه يااما ارميه في الزباله
بس ان شاء الله تكون واضحه للكل
ودي اول مرة اعمل حاجة واصورها واحطها في المنتدي
شجعوني بقاااا
ادخل في المكونات
لحمة بالكميه اللي تعوزيها ومسلوقه
رز بسمتي
زيت ذرة قليل
جزرة مبشورة
بصله مفرومة
بهارات(ملح فلفل كمون ك***ة قرفه كركم قرنفل)
جزراية وبطاطسايه وشوية بسله مقطعين مكعبات ومسلوقين
الطريقه
في الحلة نضع الزيت ولما يحمي نضع البصله ونقلب حتي تدبل
وبعدين نضيف للبصلة الجزرة المبشوره وكل البهارات اللي عندك ماعدا الملح خليه في الاخر لماتحطي الرز
وممكن تحطي قطع اللحمة معاهم عشان تاخد ريحة ونكهة البهارات وبعدين تغطي الحلة خمس دقايق
عايزة تشيلي اللحمة من الحله شيليها ولو تحبي تفضل مع الرز مفيش مشكله
انا بعمل ساعات كده بس المرة دي مش عملت كده ^_^
وبعدين تضعي الرز وتقلبي كويس الرز مع المكونات وبعدين تحطي الشوربه بتاعة اللحمة وعليها الملح
وتسيبي مسافه بين الشوربه والرز بمقدار عقله اصبع
وعالعموم رز البسمتي بيستحمل اي كمية شوربه ومش بيعجن ان شاء الله
بعدين حطيه علي النار ولما يغلي وتبدا المية تنشف وطي عليه
ونيجي بقي الجزر والبطاطس والبسله المسلوقين ودول اختياري ممكن تحطيهم وممكن لاء
بس انا لما جبت مرة كبسه من مطعم لقيته عامل كده عجبني اووي وبقيت اعملها كده كلما امكن
ودي صورة الخضار بعد السلق وعليه ملحه وفلفله
وبعد ما الرز يستوي نضع عليه الخضار ونقلبه كويس ودي صورته
وبعدين نقدمه في الطبق وفوقه اللحمة بعدتحميرها بالسمن البلدي
ورش باقي السمنه علي الرز
ملحوظه ممكن تحطي مكسرات وزبيب وكدة بس انا مكنش عندي
والزبيب بحطه في اخر سوي الرز
والمكسرات بحمصها شويه بشويه سمنه اوزيت قليلين
وبالهنا والشفا
ودي كانت كبستي المتواضعه للغايه
وان شاء الله المرة الجايه هتبقي الاكله شكلها احلي والصور هتبقي اوضح لاني هصور بعد كده بموبايل جوزي
سلاااااااااااااام مواضيع هذا القسم برعاية
heba & hema heba & hema 29120_2.gif فتكات هايلة Fatakat 29120 الاسكندرية – مصر