السلام عليكم جميعا طريقة الكبده الاسكندرانى بس بجد لو عملتيها زى ما هقولك هتطلع زى بتاعة المطاعم بالظبط
المقادير:-
1-كيلو كبده جاموسى
2-من4-5 حبات فلفل اخضر حلو
3-من3-4 حبات فلفل اخضر حار(شطة)
4-من 8-9 فصوص توم مدقوق من غير اى اضافات
5-كمون مطحون
6-بهارات
7-شطة حمرا
8-زيت زيتون
الطريييييييييييييييييييييييييقة:-
قطعى الفلفل شرايح والشطة الخضرا قطعيها وهاتى التوم ودقيه كويس وهاتى طاسة وحطيها على النار وسيبيها تسخن شويه مش كتير
وبعد ما تسخن حطى فيها التوم المدقوق وبعدها حطى زيت الزيتون طبعا احنا عملنا كده عشان زيت الزيتون مش بتادح على النار
بعد ما التوم يصفر شوية انزلى عليه بالخل وقلبى كويس وانزلى عليه بالكمون المطحون هتشمى ريحة تحفة بعدها على طول
حطى الفلفل اللى متقطع وحطى البهارات والشطة الحمرا وغطيهم وسيبيهم شوية بعدها تكونى انتى طبعا مقطعة الكبده
شرايح بالطول وبعد ما الفلفل تلاقيه دبل مع التوم انزلى عليهم بالكبده الشرايح وقلبى فيها لحد ما لونها يبقى مدى على رمادى
بعد كده زوديها شوية ميه وملح وغطيها وسيبيها تستوى براحتها ريحيتها هتلم عليكى الجيران تكونى طبعا جايبة فينو
عشان تعملى السندوتشات وبعد ما تستوى هاتى سلطة طحينة تكونى عملتيها وخدى منها ملعقة وامسحى بيها جوة الفينو
وحطى كبدة على الطحينة واقفلى السندوتش كررى العمليه لحد ما تخلصى كل الفينو وقدميها فى طبق التقديم مع
بطاطس محمرة ومخلل وبالهنا والشفا مواضيع هذا القسم برعاية
بطة ايهاب بطة ايهاب 410623_1.gif فتكات متميزة Fatakat 410623 الهرم ان شاء الله – مصر
سبحان الله و بحمده