اخواتى الغاليات
جبت لكم اليوم طبق جميل جدا كنت لحد وقت قريب بأكله بره البيت بس قررت ان اعمله لانه خطير و بقدمه كتير لضيوفى وبقيت مشهورة كمان بيه
الكانيلونى انا فى الاول اخذت عده طرق من ناس كتير بس عملت لنفسى طريقه اتمنى انها تعجبكم
اولا المقادير : ( تكفى 4 افراد عندى )
3 بيضات و2 كوب دقيق و كوب ونص لبن و3 معالق زبد سايحة ( صوراء او بلدى ) حسب الذوق 1/2 ك لحم مفروم معصج ( سهل بقى ) 5 حبات طماطم او 4 معالق صلصه جاهزة بس بنزودها ميه وملح و جبنه رومى مبشورة او شيدر ( انا عن نفسى بجيب باقى الجبن الرومى اللى تنشف وابشرها ) وشويه بهارات ( ملح وفلفل ( ماتكترى انتى حاطة فى العصاج ) و زعتر وقرفة او ريحان )
الطريقة :
تحضرى البن وتضعى فيه البيض وتربيه كويس وبعدين تجيبى اناء وتحطى فيه الدقيق وتحطى الخليط عليه و تعجينيه كويس ( اوعى يكلكع ) و تجيبى صينيه تيفال مقاس صغير انا بستعمل مقاس 12 وتحطى فيها الزبدة على النار وبالمعلقة تحطى من الدقيق وتلفى الطاسه دايرة عشان يعملها شكل قرص وتفرد فى الصينيه وتسيبيها دقيقتين وبعدين تقلبيها الناحيه التانيه لحد مالونها يبقى دهبى و تنشليها فى طبق تانى وتكررى لحد ماتخلصى الكميه المهم تفرديها كويس وبعد كده تجيبى الصينيه او قالب الفرن وتدهينيه زيت خفيف وبعدين تفردى القرص كده وتيجى من طرفة تحطى العصاج وتلفيه شكل رول وتكررى مع كل الكميه وترصيها فى الصينيه وبعدين تحطى على الوش الجبنه والصلصه وتدخليها الفرن من 30 الى 45 دقيقة حسب درجة الفرن او لحد ماتحسى انها استوت ( الموضوع ده نسبى بيختلف من واحده للتانيه ) بس انا بسيبه 45 دقيقه ويمكن ازود كمان
وبعدين تطلعيها من الفرن كونى حضرتى السيرفيس و جملتيها بالبطاطس الشيبسى
و بالهنا والشفا مواضيع هذا القسم برعاية
nousa86 nousa86 images/flowersavatars/avatar0026.jpg فتكات رائعة Fatakat 83760 وحشتنى مصر – اعيش فالجزائر حاليا
سبحان الله و بحمده