كلنا عارفين الساور كريم اللي بتدخل في عمل التشيزكيك وحاجات تانية كتير وبيكون طعمها زي القشطة المززة واكترنا بنشتريها جاهزة واحيانا مش بنلاقيها ولو لاقيناها بتكون غالية عموما بالنسبة للجاهزة فأحسن نوع ليها هو جهينة (اللي اتحرق) الله يرحمه يعني مش هتلاقوها وهتضروا برضه تاخدوا وصفة من وصفاتي تعملوها بيه ..
اولا طريقتي اللشخصية اللي عملت بيها ساور كريم:-
جبت معلقتين كبار قشطة مليانين على كوب زبادي وعليهم نصف لمونه ومعلقة خل وذرة ملح ومعلقتين صغيرين ممتلئين لبن بودرة وقلبت كله على بعضه ادتني مقدار كافي لتغطية صنية التشيز كيك
نيجي للطرق الأخرى اللي ممكن تعملي بيها بديل للساور كريم الجاهزة..
1-
ملعقتين كبار حليب
ملعقة كبيرة عصير ليمون
كوب (جبنه قريش وهي جبنه خاليه الدسم)
اخلطيهم كويس وبرديهم
-2-
4 ملاعق جبن قريش
4 ملاعق كبار لبن رايب خالي الدسم
ملعقتين كبار حليب خالي الدسم
ملعقة صغيرة نشا
اخلطي جميع المقادير معا في الخلاط او مضرب البيض حتى يتجانس هيديكي كوباية
-3-
يوضع اللبن الرائب في قماش (الشاش) ووضعه في اناء في الثلاجة لمدة نص ساعة كأنك بتعملي لبنة بس المدة اقل
-4-
ممكن ان تخلطي مقدار من الزبادي + مقدار من القشطة + القليل من الملح وتتركيهم في جو دافيء لمدة ساعة
-5-
1 كوب لبن زبادي ملعقة كبيرة خل ابيض او ملعقة عصيرالليمون
-6-
خلط 2 ملعقة زبادي + 2 ملعقة قشطة و خلطهما معا بالملعقة. اتركيها خارج الثلاجة لمدة ساعتين قبل استعمالها للشوربات و التتبيلات و الخلطات.
نيجي بأه لاستخداماته.. أكلات مغرية جدا… طبعا اولها التشيز كيك
ومثلا
حطية بسلطة كول سلو مع مايونيز وخل..
تبلي بيه الفراخ المشوية بيبقى هااايل مع شوية توم وجنزبيل وبصل وادهنيها بصلصة عشان تحمر..
او اخلطيه مع بقدونس او اي اعشاب وقدميه مع البطاطس المقلي او المشوي بالفرن ….
ممكن للسلطة ايضا اخلطيه مع ثوم وفلفل ابيض وزبادي وملح و صبيله كتتبيلة على السلطة …..
ولو شجعتوني هكمل الاستخدامات وهديكوا وصفات كاملة… مواضيع هذا القسم برعاية
بنت الحور بنت الحور فتكات رائعة Fatakat 63376 المدينة الفاضلة 🙂 – مصر