بعد تحياتي قبل اي كلام احب اتقدم بخالص الشكر والتقدير بصفه خاصه
للمشرفه العامه الغالية
و المشرفه الغاليه
علي حرصهم علي المنتدي وعلي العمل الرائع الي من خلاله انا شخصيا هستفاد من كل الموضوعات الي بتقدم من خلاله
من اخواتي الكريمات
وبتقدم بخالص الشكر والتقدير بصفه عامه لكل فتوكه بتساعد في نجاح المنتدي
ان شاء الله انا حبيت اشارك بالقرص الفلاحي او ( البكاكين ) بالفلاحي
وهو نوع من انواع العيش يتميز به الريف المصري العظيم
اما عن طعمه مش هحكي كتير لازم تجربوه بنفسكم
القرص الفلاحي تصلح فطار مغذي جدا لاطفالك وهما رايحين المدرسه تتعمل ساندوتشات زي الهمبورجر وتصلح للعشا الخفيف تتحشي جبنه وطماطم وخيار هتكون عشا او فطار تحفه بجد
ان شاء الله المقادير بسيطه والطريقه ابسط
بسم الله
المكونات
2ونص كيلو دقيق
كوب سمنه
2 معلقة خميرة بيرة او كيس خميره فورية
كيلو لبن تقريبا رايب شرط اللبن الرايب مش ينفع
يكون حليب هينشف العجينه
وشة لبن تكوني محوشااه او علبة قشطه جاهزه
شوية ملح صغيرين
معلقة سكر كبيره
شوية مية دافية
تقريبا فنجان قهوة سمسم
شوية يانسون او شمر او لاتنين مع بعض عشان الريحه
الطريقة
نضع الخميرة والسكر فى كوب ونضيف الماء الدافئ
وتترك لتتضعف حجمها
نحط الدقيق فى وعاء العجن
ونكون ناخلين الدقيق
ونحط السمسم عليه
نقدح السمنه على النار
وعلامة القدح نحط شوية سمسم اول ما يطلع ع الوش ويحمر تكون كده اتقدحت او ممكن نحط لقمة عيش اول ما تحمر تكون اتقدحت
ونضايفها مباشرة وهى ساخنة على الدقيق
ونقلب بمعلقة خشب عشان السخونية
وبعدين نبسس الدقيق بالسمنهع باايدينا عشان الدقيق يشرب السمنه كلها
نضيف الخميرة الي جهزناها
نكون سخنا اللبن بس مش اوى لكن اللبن الرايب مش ينفع يتسخن دفيه بس ع النار
نضيف اللبن شوية شوية ونعجن لحد ما الدقيق
يلم معنا
ونعجن جيدا ونضايف في وشة اللبن( القشطه )
ونكمل عجن لازم تعجن كويس اوووى لمدة لا تقل
عن ربع ساعة
وبعدين نسبها فى مكان دافئ لتخمر
ولما تتضاعف حجمها
بعدين نقطعها قطع صغيرة
زي الصوره كده ونغطي عشان وشها مش ينشف
ونسبها زي ربع ساعه كمان ترفع عشان
اكون سهلة الفرد
وبعدين نفردها حجم الرغيف الشامي وتحولي تدوريها ف ايديكي وبعدين كملي فرد بالنشابه
بسمك نص سم تقريبا لا رفيعه جدا ولا رقيقه تنشف
وناخد القرص نرصها ع صنية كبيره وكل ما نكمل رصه
نحط مفرش ونكمل انا بحط بطانيه عليهم في الشتا عشان يرفعوا بسرعه
زي كده
ونسبها ترفع او تخمر
ونعرف انها خمرت لما نشيل قرصه نلاقيها خفيفه مش تقيله
او نجرب واحده لو احمرت تبقي خمرت
ولو نقرت باابيض يبقي لسه
ونخبزها في فرن غاز
في الفلاحين بيعملوها في فرن حميه بالقش
شوفوا كده ماشاء الله
النار تكون هاديه من تحت ومن فوق زي ما انتم شايفين ياحبايبي
ونشوف مع بعض لما خرجو ان شاء الله
ماشاء الله وشها احمر وقعرها دهب وقلبها ابيض وقطن من النعومه والطراوه
بسبب اللبن الرايب والقشطه
ملحووظه
ممكن اخواتي اللي بيعملوا دايت او بيحبوا ياكلوا اكل صحي
يعملوا القرص بنص الدقيق ابيض والنص التاني قمح اسمر
لو اخدتوا بالكم الي طالعه من الفرن غامقه عشان بدقيق بلدي
وطبق التقديم ابيض لانه بدقيق فاخر
انا كده خلصت
يارب يكون شرحي سهل
وتكون الوصفه الاولي عجبتكم
لو عجبتكم
مش تنسوا التقييم
وتشجعوني ان شاء الله
انا واختي بالزوج الصالح
وان ماما تفرح بينا السنه دي
في حفظ الله
مواضيع هذا القسم برعاية
شروق وجدي شروق وجدي 437493_6.gif برنسيسة فتكات Fatakat 437493 دسوق كفر الشيخ – مصر