السلام عليكم ورحمه الله وبركاته
ازيكم يا بنات كل عام وانتم بخير
النهاردة انا جيبالكم طريقتي الي عملت بيها القرص الطري وبجد والله من غير مبالغه روعه وطري جدا المقادير
3 كوب كبير دقيق ابيض ___ 2 علبة زبادي ___ قطعه زبدة تقريبا معلقة
___ 2 معلقة كبيرة لبن بودر ___ معلقة خميرة بيرة ___ معلقة صغيرة ملح
نصف كوب لبن _ نصف كوب زيت _ 2 معالق كبار سكر _ معلقه صغيرة بيكنج بورد وممكن الاستغناء عنها
بصوا بقي انا حطيت كل المكونات الناشفه مع بعضها خلطت الدقيق مع السكر مع البيكنج بودر مع الخميرة مع اللبن البودر
وخلطتهم كويس وبعدين ضيفت الزبادي لو عندك لبن رايب طبعا هتستخدميه مفيش مشكله وعجنت وضيفت شوية لبن ودفيت الزيت علي النار وحطيت فيه الذبدة وكملت بيهم العجينه وقعدت حوالي ربع ساعه اعجن فيهم وبعدين سبت العجينه ساعتين لحد ما اتخمر وبعدين قطعت العجين قطع صغيرة وفردته في صينيه مدهونه بزيت وتسيبيه برده حوالي ربع ساعه قبل ما تدخليه الفرن وادي النتيجة
دعواتكم بقي بصلاح الحال وبالذرية الصالحه يارب جربوه وان شاء الله يعجبكم انا لسه
ضاربه كوبايه شاي بلبن مع قرص بالجبنه انما ايه حد عايز اعمله متتكسفوش ها مين عايز
مواضيع هذا القسم برعاية
حيائي تاجي وعزتي حيائي تاجي وعزتي 420402_2.gif فتكات ست الكل Fatakat 420402 بلاد الله – ارض الله الواسعة