السلام عليكم يا فتوكات
زى ما قولتلكم انى من الارياف وبعمل لكم الحاجه زى مبشوف ممتى وجدتى بيعملوها يالا نشوف القرص الطريه بتتعمل ازاى
هنجيب 6كوبيات دقيق و كوب الا ربع سمنه سايحه وسمسم او شمر او حبة البركه حسب رغبتك
وممكن لو مفيش اعمليها ساده ولبن دافى و معلقة خميره وملح
هتجيبى حله وتحطى الدقيق وترشى السمسم والملح وبعدين تحطى السمنه وتبتدى تقلبى بمعلقه وبعدين حطى الخميره والخميره تكونى مدوباها فى شوية لبن ومعلقة سكر وبعدين حطى اللبن شويه بشويه وجربى العجينه فى ايديكى لقتيها بتنفرد وحلوه يب خلاص كدا
وبعدين غطيها بكيس ابيض وقطعيها على طول كور متوسطه طبعا ممكن تحشيها ملبن او عجوه او جبنه او اى حشوه حسب رغبتك وبعد ما تكوريها سبيها دقيقتين وابتدى افرديها
وبعد ما تخلصى خالص غطيها واهم حاجه تدفيها تغطيها كويس اول ما تلاقيها خمرت وزاد حجمها شغلى الفرن
ولما يسخن جامد ابتدى اخبزى هتلاقيها اتنفخت وابة يعنى ممكن تحشيها من داخلها وتبقى سندوتشات وبالهنا والشفا على فكره انا عملاها فى فرن البوتاجاز مواضيع هذا القسم برعاية
بحبك ربى* بحبك ربى* 1020397_1.gif فتكات متميزة Fatakat 1020397 مصر – مصر