ازيكم فتوكاتي
النهارده عاملت لكم الفول النابت بتكاته بس ايه للرجيييييييييييييييييييم
طبعا اللي مش بيعمل رجيم ينفع برضه بس هاقلكم على التكات
يافتوكات
تنفع اغنيه
بس التقييم وحياه عنيه
اصل اللي مش هايقيم اديله بونيه
المقادير
نص ك فول بلدي
2 طماطم
2 بصل
ملح بهارات (كمون كتير وفلفل اسود وكزبره)
2 ليمون
2 فص توم
هاتقولولي امال فين تكاتك للرجيم
هقلكم
هنحط البهارات السحريه لرفع معدل الحرق
هي
(2 م ص قرفه المطحونه -2 م ص جنزبيل -شرايح ليمون تغلي معاه)
طريقه تنبيت الفول
هاننقع الفول ف ميه من الحنفيه يوم
بعدين نجيب صينيه وفوطتين او قماشتين مبلولين
هانفرد الفوطه الاولى ف الصينيه بعدين نفرد الفول فوقها بعدين نغطيه بالفوطه التانيه
هو ده المرحوم بعد ما كفنته بالفوط
هانسيبه ميت كده 3 ايام بس كل يوم الصبح ناخد الفوط نغسلها ونعصرها ونبلها من جديد طبعا ده عشان ريحته ماتغيرش وتفضل حلوه ماتبقاش ريحته ريحه ميتين
كده شكله بعد ما نبت
الاخ اللي زرع ده هاناخده بقى نغله نحطه ف حله كبيره ومعاه الطماطم والبصل والبهارات وكله كله
ونحط الميه كتييييير
ونسيبه على النار لغايه مايستوي
تكات للي بيعملو دايت
ماتخلهوش يستوي جامد خليه ثلاث اربع سوا
كده هايفضل ف بطنك كتير يعني مش هاتجوعي وهايستهلك سعرات اكتر عشان يتهضم وكمان هاينظفلك القولون
ونصيحه كليه بقشره افيد
ده شكل النهائب بعد ماعصرت عليه ليمون بقيت عايزه اكل الحله كلها بس طبعا اني عامله دايت خدت البوله دي بس والحمد لله
هي بوله كبيره شويه بس اعمل ايه من حلاوته مقدرتش بس ماتخافوش القرفه والجنزبيل والليمون هايحرقو شويه دهون من الكرش
باهنا والشفا
عايزه التقييم ياقمرات يا اما مواضيع هذا القسم برعاية
ام سموره العسل ام سموره العسل images/avatars/abstract3.gif فتكات غالية قوي Fatakat 271535 الغربيه – مصر