السلام عليكم ورحمة الله وبركاته
اخواتي في الله ديما لما الاقي اكله جديدة عن مجتمعنا المصري احب اصورها واحطهالكم عشان الفايدة تعم وتغيير عن الروتين اليومي
انهاردة الساعة 2 الفجر جوزي جيه على باله يعمل الفسيخ الفلسطيني ههههههههههه وبجد طعمه تحفةةةةةةةةة وجديد لانج
انا لما كنت عايشة في الاردن وكنت حامل مكنتش بطيق ريحته بس اكتشفت انه حلو اوي ويستحق التجربة منكم فعلا
نشوف بقى محتاجين ايه
اولا هتحتاجي ياستي انك تخللي سردين مستورد ايوة لانه هو دة الفسيخ بتاعهم بس بيكون اكبر شوية والسردين المستورد اسعاره من 6 ل 8 جنية للكيلو
انا جبت كيلو ونص كتجربة وحشيت خياشيمه ملح ورصيته في برطمان وحطيت عليه مية بملح وزودي الملح يعني مثلا على الكيلو ونص حطي 3 او 4 اكياس ملح ماتستغربيش هقولك ليه
بس اعذروني ماصورتش الخطوة دي لانها معروفة
بعد كدة هتسبيه مده طيب هتعرفي ازاي انه استوى لما تلاقي جسمه بقى مصفر يبقى كدة تمام اووووووووي
يلا بقى نعمل الفسيخ الفلسطيني
هتجيبي
كام سردينه حلوين كدة زي دول
المفروض انك تنقعيهم في مية صافية من غير ملح مدة ساعتين عشان ينزل الملح الزيادة اللي فيه
بس مكنش فيه وقت لاننا كنا عوزين ننام ههههههههه
هتنضفيها ياقمر زي كدة وتشيلي القشر اللي عليها
وتشطفيها
وهتحضري دقيق ابيض عادي وتغطي السمكة كلها كويس اوي بالدقيق بالراس بكل حاجة
وتحمي زيت وتنزلي بيها في الزيت زي كدة
وتحمريها عادي زي اي سمك بس بتكون متحمرة كويس
وبعدها اول ماتتطلع وتخلصي قلي سمك تحطي عليها زيت من بتاع التحمير حوالين جسمها كله
( دي حاجة لازمة عندهم بس احنا هنستتقله شوية فمتعمليش الحكاية دي )
وبعدها هتعصري عليه ليمون كتير زي كدة
صورة اقرب للتعذيب والترغيب والاصلاح ههههههههههههه
وتقدميها بالهنا والشفاااااااااااااا
انا هنا قدمته مع طحينة وبص من جنينتي هههههههه اللي متابعني هيعرف
وكمان بطاطس محمرة
وكان جميل وجديد فعلالالالالالالالالالالالا
يلا بقى عوزة احلى تقييمات عشان اخدت تريقة بالهبل من جوزي عشان هو اللي كان بيعمله وانا اكلت على الجاهز
وان شاء الله لو شجعتوني هنزلكم المفتول الاردني وبردوا بالصور
بالله عليكم قبل ماتطلعوا قيموا لو لقيتوا الموضوع يستحق وادعولي بصلاح الحال وان ربنا يفرج همي يارب
احبكن في الله
اي استفسار من عنيا
اختكم في الله مدام مصطفى ام حنين مواضيع هذا القسم برعاية
مدام مصطفى ام حنين مدام مصطفى ام حنين 66807_7.gif فتكات غالية قوي Fatakat 66807 عايشة في حياتي الجديدة ربنا يباركلي فيها ويحطم كل اللي متغاظين مني يارب يفقعوا ويموتوا – في قلب زوجي وبنتي في المملكة الاردنية الهاشمية في عمان