بسم الله الرحمن الرحيم السلام عليكم اخواتى الفتوكات ورحمه الله وبركاته اشهد الله انى احبكم فيه وارجو الدعاء لى ولاخى العزيز بتمام الشفاء انا من رشيد وانتم عارفين ان رشيد دى بقى يا قمر انتى وهى مشهورة جدا جدا جدا بالفسيخ ….. واحنا بقى على ابواب شم النسيم وكيلو الفسيخ بيبقى عندنا بيعدى السبعين جنيه ففكرت انى اشاركم موضوع الفسيخ دة ونبدا نعملوة من دلوقتى او بتالكتيييير اووووووى بعد اسبوع علشان يبقى مستوى وحلو كده ……بتجيبى يا قمر سمك بورى زى ما انتى عايزة كيلو اتنين ……زى ما انتى عايزة وبعدين بتغسليه جامد من بره وجوة والخايشيم بتاعته جامد وبعدين يا قمر انتى وهى اهم خطوة بقى بصى بصى بصى وكماااان بصى التشميس اهم خطوة التشميس تحطى كيس بلاستك من بتاع الرز الكبيرة ده وترصى عليه السمك وتحطيه فى الشمس مده كافيه بس على اد ما تقدرى سبيه فى الشمس ,,ساعتين كده وقومى يلا اقلبيه على الناحيه التانيه وسبيه برضه كل ساعه ساعتين قومى اقلبيه بس قبل المغرب بقى يا قمر زى ما هو بقى كده وتروحى لافاه بالكيس البلا ستك زى ما هو كده وسبيه فى مكان دافى ……وسبيه للصبح يا قمر انتى وهى وبعدين ننام واما نصحى الصبح نروح نغسل وشنا ونروق وننضف وبعدين نفتكرة ماشى ونروح جرى عليه نلاقيه ايه؟؟؟؟؟؟؟؟ نلاقيه منزل دمه وطرى كده وحلو نكون محضرين بقى طبق فيه ملح رشيدى خشن ونحضر برضه كيس بلاستك كبير ونرش جواه حبه من الملح الخشن ونجيب السمك ونحشى على اد ما نقدر خايشيمه وجسمه من تحت لفوق ونرص فى الكيس بس على قد ما تقدرى ما تكتريش يعنى فى كل كيس اربعه او خمسه بالكتيييييير ماشى وبين كل صف وصف بترشى ملح على اد ما تقدرى كترى فى رش الملح……وخلصتى الكميه يا قمر انتى وهى بتلفى جامد جدا جدا جدا وتلفى تانى جامد جدا جدا جدا وتحطيه فى حاجه عميقه خطوة مهمه كمان تحطى عليه مش غطاه لاءلاءلاء حطي حاجه تقيله حتى لو قالبين طوب اه ما تستغربيش دا فسيخ رشيدى عال العال تحطيه فى مكان بعيد وتنسيه وبس ما تنسيهوش كتير لاءلاءلاء ثلاثه ايام كده وتشقى عليه حتلاقيه منزل ميته سبيها زى ما هى وتشقى كل يومين تلاته وتهزى هزة وتقلبيه بسيطه خلويص يلا بقى على اليوم الموعود يوم شم الفسيييييخ وطليعه بقى واقطعى راسه وارميها وافتحى ونضفى وكلى بالف هنا وشفه يا رب اكون افدتكم بمعلومه ولو صغيرة انا عندى صور بس للاسف مش عارفه انزلها بس ححاول يلا تعليقاتكم وتقيمكم وشكرا لحسن استماعكم……. مواضيع هذا القسم برعاية
sosososa sosososa 568036_1.gif فتكات نشيطة Fatakat 568036 رشيد – egypt
سبحان الله و بحمده