اولا ازيكم يا فتوكاتى يا حبيباتى وكل سنه وانتم طيبين بمناسبه عيد الاضحى المبارك اعاده الله عليكم وعليناوعلى الامه الاسلاميه بالخير واليمن والبركات
ثانيا انا حبيت اوريكم انا ولاول مره فى حياتى اشوى اى حاجه على الفحم فى البيت عندى اصلى جوزى اشترى لينا فى العيد شوايه واسياخ وفحم وحطيناها فى البلاكونه الكبيره وعيشنا حياتنا انا وهو والعيال هههههههههههههه
والله كان يوم ممتع وجميل
هنا بقى انا اشتريت فرختين شوى
يعنى كليو و100او250 جرام يادوب وكل ماتبقى الحجم صغير احسن
وهنا بقى التوابل عباره عن
فلفل اسمر
وملح وكمون
وقرفه وجنزبيل
ووق لورى مطحون
وحبهان مطحون
ومستكه مطحونه
وليمون وبصل
وبهارات اللحمه والفراخ
وهنا بعد طبعا ما بشرت البصل ناعم وحطيت جميع البهارات والتوابل
وقلت بالمره والتتبيله الحلوه دى موجوده ولقيتها كتير
استغليت الموقف هههههه اشتريت نص كيلو لحمه مفرومه وتبلتها ببقيه الخلطه وحطيت عليها بقدونس مفروم
وانا بعملها فى الطبيعى واصبعها واحطها فى اطباق فوم وتبقى جاهزه لاى وقت و ظروف جاهزه فى الديب فريزر
وطبعا الفرخه التانيه برضه شيلتها بالتتبيله واحدف فى الفريزر
وهنا بعد مرور حوالى 10 ساعات فى التتيبله داخل الثلاجه
وطبعا زوجى شواها ع الفحم
والعيال هات يارقص ههههههههههه
هناكل فراااااااخ
وهنا زياده تأكيد قطعتها اربع تربع وشويتها شويه كمان لتمام التسويه
وجينا بقى للسلطات واللذى منه
عملت سلطه طحينه
وسلطه خضراء
وكاتشب جاهز
وكمان عملت ارز بشعريه علشان سما وبودى مبيعرفوش يأكلوا بالعيش
وطبع لازم وضرورى العيش البلدى الجميل
ودى كانت نهايه الليله المدخنه والممتعه ههههههههههههه اتفضلوا معانا يا فتوكات بالهنا والشفا
وجوزى عجبته الفكره قوووووووى وكررناها اربع خمس ايام وراء بعض
ولحمه وريش ضانى مشويه واااااو
وسمك فيليه مشوى ع الفحم
وكفته فى الاسياخ تحفه
قولولى ايه رئي كم وعايزه تقيمكم للموضوع
مواضيع هذا القسم برعاية
ام سما وبودى ام سما وبودى 17156_16.gif برنسيسة فتكات Fatakat 17156 مصر – مع احلى اخوات فى الله