كل واحده قربت تولد تقولنا هتولد فين ومع مين
هبدأ بيا
انا لسه فى الشهر السادس
يعنى باقى كام يوم وادخل السابع باذن الله..
باذن الله انا هولد مع الدكتورة منيرة جاد ولدت معاها برضو بنوتى الاولى
يااما فى القاهرة التخصصى او الرحمه لان اختى مجرباهم انا
(هولد قيصرى يعنى دى اسعار القيصرى يابنوتات)
انا ولدت بنتى فى كليوباترا هى حلوه لكن غليت دلوقت وكمان الدكتورة رفعت السعر تانى
يعنى حسبتها هتدخل فى ال9الاف كده
انا مسالتش لسه فى القاهرة التخصصى فى مصر الجديده بس اختى ولدت من خمس سنين تقريبآ المستشفى خدت 2500 غير طبعآ الدكتوره منيرة كانت تقريبآ 2500 برضو
سألت فى الرحمه قالولى فى حدود ال1800 او 1900 والدكتورة طبعآ حسابها لوحدها الدكتورة بقى بقت بتاخد 3800 بدل ماخدت منى 2500 من سنتين يعنى كنت اتكلفت فى كليوباترا 5000 بالظبط
على فكرة كمان الدكتورة منيرة بتاخد على حسب مستوى المستشفى
يعنى لما كنت هولد فى كليوباترا قالتلى الفرق بين كليوباتر والرحمه 800 جنيه يعنى فرق ايديها
انا قلتلكم كل معلوماتى
ياريت اللى عندها معلومات تقولنا ونفيد بعض….
صحيح عندى حاجه عايزة اقولها
اللى حاطه فى دماغها تولد فى مستشفى عبد القادر فهمى تبعد عنها سمعت عنها حاجات وحشه كتيييييير والله
اولهم صاحبة اختى ولدت هناك وابنها دلوقت تقريبآ معاق عن الحركه بسبب نقص الاكسجين عنه 5دقايق
انا مش هحى كتير اكتبو بس موقع مستشفى عبد القادر فهمى هيطلع فى الصفحه الرئيسيه ناس شاتمه على المستشفى وكان فى بنت معانا هنا ربنا يارب يكون كتبلها الحمل من جديد يارب
كانت كاتبه موضوع بعنوان (مستشفى الداخل فيها مفقود) بعد معاناة مع الحمل بالحقن المجهرى جابت تؤم فى الاخر قالولها ماتو ومايعرفوش السبب ايه
منتهى التسيب والله من ساعتها وانا مضايقه قوى والله من المستشفى دى والمكان اللى صاحبة اختى بتعمل فيه لابنها علاج طبيعى فى 3حالات زيه برضو مولودين فى عبد القادر فهمة وبرضو نفص اكسجين
غير انى قريت مستوى التملايض هناك وحش جدا وكل ممرضه تتدخل عايزة حاجه
وربنا يبعد عننا كل حاجه وحشه يارب
انا لازم اقول علشان اللى حاطه فى دماغها تولد هناك ماتولدش
مامة نور مامة نور 100432_10.gif فتكات ست الكل Fatakat 100432 الشارقه – الإمارات