عزماكو على الغدا النهارده ايه رايكم تيجى نعرف هو ايه ومن غير رغى يلا تعالى
الاصناف عباره عن
رز معمر…وتاجن خضار باللحمه….ولحمه بانيه بالشوفان
انا بشكر الاخت العزيزه اللى كانت عامله فراخ بانيه بالشوفان
لان لما شفت موضوعها قمت على طول جربته باللحمه يلا نشوف
دى صوره للحبايب
معلش الصوره مش واضحه
ودى المقادير..اولآ اللحمه البانيه
لحمه مقطعه حسب الرغبه تغسل جيدآ ثم تتبل بالملح والفلفل والكمون والكاتشب ولو عندك مسطرده مفيش
يبقى مفيش مشكله وتسيبيها فى التتبيله مده نصف ساعه اواكتر حسب وقتك
نيجى للمرحله اللى بعد كده بقى
نجيب كوبايه شوفان وعليهم كوبايه دقيق ونخلطهم
ثم نغمث قطع اللحمه او(الفراخ)جيدآ مع الضغط عليها حتى تتشرب الشوفان
وبعدين يكون الزيت سخن ونقليها وبالهنا والشفا
تاجن الخضار باللحمه (بسله -جزر-بطاطس-فاصولياخضراء-بصل-ثوم-طماطم)
نخلط المقادير ونتبلها بالفلفل والملح ونضعها فى التاجن ولو عندك شوربه حطى كوبايه عليه
لومفيش يبقى كوب ميه وقطعى اللحمه قطع صغيره مكعبات
حطيها فى الفرن درجه حراره متوسطه
اغسلى كوبايتين رز وصفيهم كويس وفى قلب التاجن معلقتين سمنه وضعى عليها الرز ثم كوبايه حليب وعليها نص كوبايه ميه متبلين بالملح وبعدين دخليه الفرن جنب التاجن وبالف هنا وشفا
والتقييييييييييييييييم
ودى كمان لاول اربعه يقيمو
مواضيع هذا القسم برعاية
بيرو2016 بيرو2016 613737_8.gif فتكات رائعة Fatakat 613737 الرياض – السعوديه