الغدا النهارده كان ايه 2024.

دي اول مرة اشارك في القسم ده وحبيت اول حاجه اشارك بيها هو المحشي لاني بحبه والحمد لله متميزة فيه والحمد لله كل اللي ياكله من ايدي يشكر فيه انا عملت النهارده محشي ورق خس وكرنب وهقولكلو لو عاوزة تعملي البتنجان او الكوسه تعملي ايه نبتدي بسم الله
…………. انا بجيب بصلتين حلوين كده واخرطهم ناعمه اوووي وبعدين اجيب 3 طمطمامت ومعاها فلفل شطه واضربهم في الخلاط ووبحط الحله علي النار زي الشطر كده واحط الزيت وحتة سمنه بلدي كده ايوة امال يعني احرم نفسي واحط البصل واقلبها وبعدين انزل الطماطم مش بحب البصله لا تحمر ولا تصفر تدبل بس وبعدين اجيب واسبها تتسبك شويا بس مش اوووووي وبعدين اجيب 3 معالق صلصه طماطم واحطهم واحط بقي التوابل اللي تحبيها كمون شطه فلفل اسمر وحبة زنجبيل وملح وبعدين اكون غسله الخضرة عباره عن ربطه من كل من كسبرة وبقدونس وشبت واقطعهم صغيررررررين اوووي واكون غلسله حوالي 4 اكواب رز وبعدين اقلب كله مع بعضه وده هيكون شكلها

وبعدين نقعد نسمي الله وننلف بقي المحشي بصو بقي انا علشان اكتر الحلل عندي استلس او تيفال بعمل ايه وانا بقطع الخضرة بيكون في بيطلع منها اوووعي ترميها او من الكرنب بحطها تحت مفيش يبقي فلفل اخضر اتصرفي علشان المحشي مش يلزق ويشيط وتبقي مصيبه ونلف نلف الحله لما تخلص وتمشي اما نظام دايره اوا رايح جاي براحتك وده هيكون شكلها

ماشي وتكوني مجهزة شربه مفيش اووووعي تقلقي هتغلي مايه عاديه وتحطيها بس تحطي حبه ملح وكده كده انتي حطه سمنه بلدي ومش تغطي المحشي بالشربه لا اول صف بيكون باين علشان يطلع حلو ومش مهري خالص انا كنت عمله لحمه وحمرتها وحطتها وعملت سلطه جانبها بالف هنا

لو هتعملي بتنجان او كوسه بحب احط لحمه مفرومه معاها بتعصجي لحمه عادي وتخطليها مع الارز بش تقلي الارز والحمه تبقي ازيد او لحمه ساده براحتك وتكوني مقوره البتنجان والبتنجان بياخد وش في الزيت يعني بتحطي حبة زيت وتشوحيه لكن الكوسه لا وخدي بالك الكوسه مش بتاخد مايه كتيرررررررررررر لانها بتنزل مايه وان شاء الله لما اعملها هنزلهكووو وبالف هنا مواضيع هذا القسم برعاية

ميمو لايف ميمو لايف 342806_2.gif فتكات نشيطة Fatakat 342806 المنصورة – مصر

سبحان الله و بحمده