السلام عليكم يا احلى فتوكات
انا النهاردة جايبلكم العيش الشامى
وبطريقة سهلة جدا ينفع لساندوتشات المدارس للولاد وبيوفر كتير وكمان نضيف ومضمون ومن صنع ايديكى
وبصراحة طريقة تسويته اكتشاف
والفضل لله وبعدين للقمر فخورة بنقابى ربنا يباركلها هيه اللى علمتنى اسوى فى الطاسة على البوتجاز من غير فرن ولا غيره
وطبعا كدة اسهل واوفر فى الغاز جدا
وانا بانتهز الفرصة واشكرها
واشكر كل الفتوكات القمرات اللى مش بتبخل علينا باى استفسار
ربنا يجعله فى ميزان حسانتهم
ودلوقتى اسيبكم مع العيش الشامى والطريقة بالصور
المقادير
كيلو دقيق
ملعقة صغيرة سكر
نص ملعقة صغيرة ملح
ملعقة متوسطة خميرة فورية
او خميرة بيرة
ماء دافىء للعجن
الطريقة
نضيف الدقيق والسكر والملح والخميرةونقلبهم كويس وبعدين نعجنهم كويس بشوية ميه
لحد العجينة ما تبقا متماسكة
ونغطيها ونسيبها من ساعتين لتلاتة تخمر كويس
وده شكلها بعد التخمير
وبعدين نرش الرخامة دقيق
ونكور كور صغيرة اد الرغيف
وبعدين نبتدى نفرد كل رغيف
ونرش عليه الدقيق عشان ميلزقش واحنا بنفرده
وهكذا
ونكون حاطين الطاسة على نار هادية تسخن
ونبتدى نسوى رغيف ورغيف كده
ونخلى بالنا عشان ميتحرقش مننا وهنلاقيه بداء يعلا ما شاء الله كدة
وادى واحد كمان
ونقوم قلبينه على الناحية التانية كدة
وادى ما شاء الله بعد التسوية وعلى فكرة الكيلو بيطلع كمية محترمة
ايه رئيكم
تعملى فيه فول وطعمية وتفتحى مطعم هههه
وكمان احلى ساندوتشات للمدرسة
وعلى فكرة باقى العجينة كمان
فردتها على الرخامة بالشكل ده
وحطيت جواها شوية جبنة قديمة وفردتها
بالشكل ده
وكمان شوية جبنة شيدر
وبعدين برمتها دى الاسطوانة كدة
وبعدين قطعتها كدة
وده شكلها بعد التسوية
وادى الجبنة من جوه
مواضيع هذا القسم برعاية
&Um Adham& &Um Adham& 293790_11.gif مشرفة الموقع Fatakat 293790 القاهرة – مصر