يارب تكونوا بخير يااحلي فتوكات
وكل عام وانتم الي الله اقرب بمناسبة شهر رجب
اسأل الله ان يبارك لنا في رجب وشعبان ويبلغنا رمضان غير فاقدين ولا مفقودين
انا بعشق اكل الريف والحمد لله
بعمله كويس بشهادة عمتي من الريف
العيش
الرقاق
الفطير الفلاحي
البكاكين القرص الفلاحي
وان شاء الله هعمل كل دا في الكرنفال
دا موضوعي الأول كان البكاكين الفلاحي
القرص الفلاحي بالتفصيل ياجمال اكل الريف( كرنفال فتكات ) ^_^
وان شاء الله موضوعي انهارده عن العيش البلدي او الفلاحي
لكن الفرق ان العيش في الريف بيعملوه شقق يعني بيكون مدور ويقسموه من النص يبقي كده اسمه شقق من شقين يعني
ندخل في الموضوع طريقة العيش البلدي
وطبعا احنا داخلين ع رمضان ان شاء الله والطوابين بتكون زحمه جدا خاصة بعد صلاة التراويح
فممكن حضرتك تعملي كام كيلو وتفريزه في التلاجه وتاخدي منه وتسخنيه هيرجع زي الطازه
المقادير
1كيلو دقيق قمح
2 كيس خميرة فورية
3 ملح
4 معلقتين سكر
5 ماء دافئ للعجن
6 ممكن نستخدم كمون لو بنحب طعمه
لكن العيش الفلاحي مش فيه اي حاجه غير دقيق وماية وخميرة وبس
وكل الخطوات موجوده في الصور
اولا هنجهز الخميره
في نص كوباية ماية دافيه ومعلقتين السكر لحد ما ترفع وتعمل فقاقيع زي ماهو واضح في الصوره 1
ونجيب كل المكونات الدقيق وعليه الملح والخميره ونعجن حوالي ربع ساعه لحد ما العجينه تلم معانا
ونسيبه يخمر في مكان دافئ زي فرن البوتجاز مثلا
وبعدين نجيب العجين ونقرص العيش زي الصوره
كل جنب بعضه ونغطيه عشان مش ينشف
ونسيبه يرفع تاني حوالي 10 دقايق
وبعدين نفرد رغيف رغيف زي الصوره بالظبط
من تحت رده ومن فوق دقيق
دي مرحلة تكويت الرغيف
قرصه وبنفردها بالنشابه
ونحاول نحافظ ع سمك الرغيف مش يكون خفيف جدا ولا تقيل
عشان يرتفع كده ان شاء الله
ونخبزه في فرن الغاز ع نار واطيه من تحت وعاليه شويه من الجانبين
زي ماهو واضح في الصور
شوفو كده ماشاء الله
مرتفع جدا دا دليل ع ان الفرد بالنشابه كان السمك مظبوط
وممكن نخبزه في فرن البوتجاز زي هنا
ع الارضيه ع الصاج
او ع طاسه ع عين البوتجاز ولما يحمر من تحت
ننزله ع الشوايه
ودي ايد انوس ابن اخويا حبيب عمته عيط عليا ودخل يساعدني زي ما انتو شايفين طلع فوق الطبيله وبعترالرده بتاعة التبطيط
يااارب يكون شرحي سهل ويكون العيش عجبكم
وزي كل مره مش تبخلو عليا بالتقيم والدعوه الحلوه زيكم
في حفظ الله مواضيع هذا القسم برعاية
شروق وجدي شروق وجدي 437493_6.gif برنسيسة فتكات Fatakat 437493 دسوق كفر الشيخ – مصر