السلام عليكم..
انا بكتب الموضوع ده بهدف اني الاقي نصيحة من حد مجرب،انا مهندسة اتخرجت من 7 سنوات تخصصي الكترونيات و مالقيتش شغل بهذا المؤهل ، اشتغلت في المتاح لحد ما تفرج و ان كنت اتمنى و لازلت اتمنى اني اشتغل بشهادتي،المهم اشتغلت مصممة مواقع لمدة سنتين و نصف و اتجوزت و استمريت في العمل الى ان انجبت الطفل الاول و قعدت 3 سنوات بدون عمل و لسه هقعد 3 كمان لما اجيب الطفل التاني مضطرة لكده…المهم المحصلة اني لما هارجع احاول اشتغل تاني هيكون سني كبر و راحت فرصتي و انا نفسي اشتغل بشهادتي…. انا حاليابحاول اشتغل في تصميم المواقع و ان كان الشغل بيجيلي قليل لكن الحمد لله مش عاوزة انسى الل اتعلمته في الشغل كفاية اني اتاخرت عن زمايلي كتير و هستمر كده اشتغل من البيت لحد ما اصغر طفل يروح الحضانة…..انا بسئل اعمل ايه عشان اشتغل مهندسة الكترونيات…..هل ممكن اشتغل في التخصص ده بعد ما يمر على تخرجي عشر سنوات……انا عارفة الارزاق بيد الله لكن انا عاوزة اعرف ايه الاسباب اللي اخد بيها لان المفروض الواحد يعقلها و يتوكل مش يتواكل و لو ممكن حد يقوللي اللي مر بالظروف دي و ظبطت معاه عملت ايه بالظبط..مش في ايدي حاليا غير اني ادعي و اصلي صلاة قضاء الحاجة و هي سر عظيم ياريت الكل يصليها اذا ضاقت به الدنيا …و غير كده مستنية و الحمد لله على كل شيء
قبل ما تسئلوا ليه ماستمرش في شغلى ده هقول انا بحاجة للاستقرار و ان اطمن ان ليا تامين صحي لو مرضت او حاجة…..الميري يعني كتير الواحد بيقول منا كويس اهو و مفيش شغل و هوب تطلع مسابقة و محصول الكوسة يطرح و البلد تغرق كوسة و احنا دايما نطلع بره اللعبة احنا يعني المتزوجات اللي ملهمش واسطة
و بس…….
اخر حاجة مش عاوزة احباط……اللي يرد يقوللي اعمل ايه او يديني امل انا عندي احباط يغرق مجرة بحالها…لو حد عاوز عندي خدمة توصيل الاحباط للمنازل اؤمروا بس………..و محدش يقوللي الارزاق بيد الله انا عندي يقين بده و مش هموت قبل مخلص رزقي….خلاص عارفة يعني…..و شكرا لاي حد هيعبرني و يرد
designer-x designer-x فتكات نشيطة Fatakat 562655 الاسماعيلية – lمصر
سبحان الله و بحمده