السلام عليكم ورحمة الله وبركاته
انا لاحظت ان كتير منكم بيقول انه مصاب بالاكتئاب.. احب اقولكوا حاجتين .. أول حاجة أن ياجماعة فيه فرق بين الزعل أو الحزن و(مرض الاكتئاب) .. الزعل دة حاجة بتعدي بالوقت وبالارادة وتغيير نمط الحياة، انما الاكتئاب دة مرض بيصيب المخ والاعصاب والمريض مش بيقدر يسيطر على المرض بالارادة بس لانه بيكون متحطم بمعنى الكلمة ومش بيبقى قادر يتحكم في عواطفه ومشاعره وممكن يوصل لحد انه ممكن يفتكر نفسه هيتجنن.. بيبقى شايف كل حاجة ضلمة قدامه .. مافيش أمل في الحياة، مابياكلش مابيشربش ، جسمه كله واجعه، لا بيعرف ينام ولا يصحى ولا يقعد ولا يتكلم مع حد ، تفكيره مشتت 24 ساعة، صراع جواه 24 ساعة.. وأكتر من كدة كمان وكل دة بسبب ان الاكتئاب دة (مرض) ولازم يتعالج.. زي مثلا الجهاز الهضمي لما بيحصله ألتهاب ولا حد بيجيله تسمم لا قدر الله .. فياريت مش كل واحدة تزعل شوية او تتعرض لمشاكل وضغوط في حياتها توهم نفسها انها عندها اكتئاب .. ثاني حاجة عايزة أقولها ودي مهمة جداااااا لاني عارفة ان معظمكم مش مقتنع بالنقطة دي هي ان ربنا خلقلنا نعمة الدواء عشان نتشافى ونتعافى من الامراض اللي زي دي لان الامراض دي فتاكة فبجد لازم أقولكم وربنا شاهد على كلامي ان العلاج الدوائي مهم جداااا وفعال جداااا جداااا،، ومش بيضيع الصداع وبس .. لالا .. العلم بجد تقدم جدااا وبقى فيه ادوية للاكتئاب والوسواس القهري والهلع و و و و ،، وانا عارفة اننا لازم نلجأ لربنا أولا واخيرا لكن ربنا برضو قال ان اللي مصااب بمرض لازم يسعى انه يتعالج منه .. زي مثلا حد عنده كحة ، اكيد مش هيقعد بس يدعي ربنا ويقول ياااارب الكحة تمشي، ماهو لازم برضو بجانب انه يدعي ربنا أنه ياخد دوا للكحة دي وربنا بكرمه ان شاء الله هيشفيه..
أخيرا وليس آخرا لازم تعرفوا ان الامراض النفسية لازم تتعالج بالدواء وبالسلوك .. والاتنين مكملين لبعض
Merat Gozy Merat Gozy فتكات متميزة Fatakat 1116106 القاهرة – مصر