انا للأسف كنت بعاني زي كثير مننا من ان قشرة البفتيك او البانية بتقع أثناء القلي و طبعا بيبقي شكلها مش حلو و بتفقد طعمها
و مع التجربة و السؤال وصلت للطريقة اللي ان شاء الله تكون مضمونة علشان القشرة بتاعة البانيهات عموما متقعش
و إليكم الطريقة:
أولا تبلي الفراخ من قبلها بيوم في مية البصل و التوابل و تكوني طبعا مقطعاها بالسمك اللي بتحبوه قبلها و غسلاها كويس
بعدين صفيها من التتبيلة كويس و ممكن حاجة من أتنين يأما تحطيها في دقيق ثم بيض ثم بقسماط او بيض و بقسماط علطول
رشي شوية ملح و توابل ع الدقيق او البقسماط هيديها نكهة حلوة و حاولي يكون البقسماط خشن زي بتاع ريتش بيك مش بتاع فرجللو او الأنواع الناعمة قوي
بعد ما تحطي كل قطعة في البقسماط أضغطي عليها كويس جوا البقسماط من الناحيتين علشان تمسك كويس في البقسماط و تتغطي مظبوط
أهم خطوة أو تكه بقي انك تحطيها كل قطعة جنب التانية مش فوق بعض خااااااااااااالص في صينية و تدخليها الثلاجة مش أقل من ربع ساعة
ممكن حتي تسيبيها يوم بس ساعتها لازم تتغطي بورق بلاستك شفاف
بعد الربع ساعة تطلعيها و يكون الزيت سخن بس مش قوي و تحمريها و تقلبيها في الزيت بشوكة بحرص بحيث متخبطيش جامد في القشرة فتقع في الزيت و طلعيها و هي بني فاتح متسيبيهاش تغمق
بس المهم أقليها و هي ساقعة من الثلاجة
إن شاء الله مش هتقع خاااااااااااااااااالص بعد كدااااااااااااااااااااا و جوزك هيقولك انتي شيف رقم واحد
نفذوها و متنسونيش من صالح دعائكم و إدعو لي بالهداية و الرزق و لبناتي بالنجاح و التوفيق و الصلاح و لزوجي بالشفاء
بارك الله فيكم جميعاااااااااااااااااا
و بجد بحبكم في الله قووووووي:mood9: مواضيع هذا القسم برعاية
moslemwriter moslemwriter فتكات رائعة Fatakat 237991 القاهرة – مصر بلدي بس عااااشقة للسعودية