السلام عليكم ورحمة الله وبركاته
ازيكم يا فتوكات
كل سنة و انتوا طيبين
تجاربنا مع الصداع عموما
و خاصة النصفي..
تعالى قولي امتى تقريبا بتحسي بيه؟
أعراضه معاكِ؟
و بتعملي ايه معاه؟
وايه افضل شىء جربتيه ؟
……………………….
و هابدأ..
ضغطي يميل للانخفاض بطبيعته تقريبا او علشان الانيميا.. معايا منذ الصغر الانيميا دي..
الصداع بيحصل مرات كتير
يعني مع الانفعال
الحر .. لما اخرج لازم و حتما آروح بصداع الحمد لله
و حاجات تانية.
…………
النصفي الصراحه اللي بيبقى شديييييييييييييييد جدا
بيبقى واخد نص الدماغ مع العينين مع وجود عرق نابض (بكسر العين) كدة بارز فى النص المصاب
لما بحس بيه شديد اوي .. باخد كوباية فيها شوية ميه صغيرة و انفث فيها و أقرأ المعوذات و الفاتحة و ممكن الرقية كاملة (بنية الشفاء) و اشرب شوية بعدين احط الباقي على دماغي الحمد لله بيعمل مفعوووووول.
و كمان بغسل دماغى بمية مش سخنة و انا موطية راسي و احاول اعمل تدليك تحت المية لدماغى كلها علشان الدم يوصل
لأنه اصلا الصداع النصفي بيبقى ناتج عن توسع فى اوعية و فى اوعية تانية بتبقى كأنها منكمشة.
فالحركة دي يا فتوكات بتريح اوي
كان زمان فى حبوب اسمها ميجرانيل كان بيأثر بسرعة بس ده اتمنع من السوق.
دلوقتي ساعات باخد اى حبوب فيها باراسيتامول (علشان خفيف) و مش بحب الدوا عموما لأن كثرة المسكنات خطر جدا على الكبد و المعدة ربنا يعافينا و يشفي مرضى المسلمين يارب.
سمعت ناس كتير بتقول انه ناتج من الضعف .. وتقريبا الطب ما توصلش لسببه بالظبط..
برضو ناس كتير جدا كان علاجها الحجامة و قالوا انه ده الحل الوحيد اللى الحمد لله ريحهم منه.
سامحوني انا رغيت بس علشان نشوف الاعراض المشابهة..
تجاربكم ايه يا فتوكات؟
موكا موكا ^_^ موكا موكا ^_^ 144566_4.gif فتكات هايلة Fatakat 144566 الشرق المسلم – كوكب الأرض