السلام عليكم ورحمه الله وبركاته
النهارده جايبه ليكوا
الشيش طاوووق
انا اول مرة اعمله وطلع الحمدلله كويس
المكونات
نص كيلو فراخ بانيه
متقطعه مكعبات
ونضرب فى الخلاط المكونات دى
وبصله وطمطمايه
وفلفلايه خضرا
كوب زبادى
ربع كوب لبن
ملح
فلفل اسود
وبابريكا
رشه قرفه ورشه جنزبيل
وليمونه ونقطه خل
ونتبل بيهم الفراخ ونحطهم فى التلاجه من بالليل
معلش انا مصورتش الخطوات دى لانى كنت عملاها بالليل
ومجاش فى بالى خالص اصورهم
ودى صورة الفراخ بالتتبيله تانى يوم
وبعدين نجيب
طماطم مكعبات
وبصل مكعبات
وفلفل متقطع
علشان نحطه بين قطع الفراخ لما نيجى نشيشها
وكده بعد ما عملتهم كلهم شيش
وحطيتهم على صنيه بيركس علشان ادخلها الفرن
وبعد كده دخلتها الفرن
ولما بدات تستوى شغلت الشوايه
علشان الفراخ تاخد اللون
وقدمتها مع بطاطس بيوريه
وبطاطس محمرة
ورز ابيض
ومايونيز وكاتشب
فى امان الله مواضيع هذا القسم برعاية
dlo3t 7abeby dlo3t 7abeby 285651_3.gif سوبر فتكات Fatakat 285651 فى بيتنا الصغير – قلب حبيبى
