السلام عليكم و رحمه الله و بركاته
بصوا من يومين كده عملت شيش طاووق
و كان نفسي اصورهولكوا بالتفاصيل الممله
بس حماتى كانت جايه تتغدى عندى فكنت متسربعه شويتين
بس برضو صورتلكم شويه خطوات
دى الصورة النهائيه 
و هنزل باقى الور طبعا
الكميات اللى انا استعملتها
كانت كيلو صدور مخليه مش بانيه
بس طبعا كيلو ده كتير جدا
علشان حماتى و بناتها و انا و جوزى و بزياده
هوريكوا الكميه كلها دلوقتى
المهم بقى
كيلو الصدور ده قطعته مكعبات زى الصورة كده
و حطيته يتنقع شويه فى تتبيله البانيه العاديه
(بصل + فلفل + طماطم +توابل)
سيبيه على اد ما تقدرى ممكن لتانى يوم
و تكونى مقطعه طماطم مكعبات و فلفل اخضر او احمر
انا كنت حاطه فلفل احمر و اخضر و اصفر
و برضو بصل مقطع قطع
و تيجبي السيخ الخشب بتاع الشيش طاوق
و تدخلى فيه بصله و بعدين حته فراخ و حته طامطم و حته فلفل و حته فراخ تانى
و هكذا لحد ما تملى العصايا ع الاخر كده
و رصيتهم فى طاسه تيفال
و الباقى فى صينيه من بتاعه البيتزا او لى صينيه عادى يعنى
شكلها اهووووووووووووووووووووووة
و من قريب بقى شويه علشان تشوفوا شكل الفراخ و الخضار
و ممكن تحطى معكبات بطاطس بتبقى جنااااااااااااااااااااااااااااان
بس للاسف مكنش عندى بطاطس
طبعا واضح الرص و الخضار و كل حاجه
و بعد كده حطيتها على النار و حطيت عليها كوبايه مايه كبيرة
و سيبتها تغلي و خليها ع النار براتها مكن تاخد بتاع نص ساعه
بس كل ما الماي تقل زوديها شويه
ده شكلها و هى ع النار
و كنت مغطياها طبعا و هى بتستوى
و دى بقى بعد ما استوت
اللى فى الصينيه بس حطيتها تحت الشوايه دقيقه واحده بس
علشان وشها يحمر انما اللى كانت فى التيفال هى كانت حلوة مش محتاجه
و ده شكلها
و ده كمان
و على فكرة ممكن تحطى على الوش جبنه موتزريلا بس انا مكنش عندى فقلبتهم
و دى بقى حاجه تانيه خااااااااااالص ملهاش اى علاقه بالموضوع
طبق بصااااااااااااااااارة عملتها امبارح و كنت اول مرة عملها بعد جوازى
جوزى انبهر بيها
ده حرف جوزى طبعا منعا للاحراج يعنى
شايفين رومانسيه فى البصارة
قولولى رأيكم بقى
استونوا نسيت اقولكوا ع المقلب
بعد كل ده حماتى مجتش هى ولا ولادها
و اعدت انا و جوزى ناكل فى الاكل ده يومين غدا و عشا
مواضيع هذا القسم برعاية
قلوب من الماس قلوب من الماس 565438_3.gif سوبر فتكات Fatakat 565438 cairo – egypt