السلام عليكم فتوكاتى
انهارده هنعمل بأذن الله الشركسيه
هى اكلة اصلها تركى
واحنا اخدناها منهم تقريبا
وكلنا كنا بنشوفها فى افلام زمان ايام فاتن حمامه
اعملنا شركسيه يا عم عثمان ههههههههه
وهى فعلا اكله تحسسك بالماضى وجماله
كمان اكله مع انها سهله اووى الا انها غاليه وراقيه
ومش بتتقدم الا فى امطاعم الكبيرة
وتنفع اووى فى العزومات
وكتير بيعملوها اول ايام رمضان
كمان بتتعمل بالفراخ او الديك الرومى
مكوناتها
صوص االشركسيه
رز ابيض عادى
الفراخ او الرومى وبتكون مسلوقة
بسم الله
المقادير
للصوص
هنحتاج 2 شريحه توست وتكون بايت مش صابح
ولو معندناش توست انا حطيت 2 كيذر بس قطعت حروفهم كويس
عاوزين اللبابه بس
حوالى 100 جرام عين جمل او كبشه كبيره باليد
سمن بلدى
ملح وفلفل وكسبره ناشفه وبابريكا
توم مفروم
بصل مفروم
للارز
هنحتاج ارز مصرى
سمن لتسويه الارز
وهنسوييه بشوربه الفراخ بتاعتنا
لكل كوب ارز كوب شوربه
الفراخ
هنسلقها كويس اووى مع بوكييه جارنييه
جزر وبصل وكرات وكرفس
وملح وفلفل وحبهان وورق لورا
وبعد السلق نشيل منها العظم والجلد عاوزين
اللحم بس
طريقه الصوص
هنحط التوست مع االعين الجمل فى الكبه ونضربهم كويس
هنحط السمن فى الحله ونضيف البصل
يتشوح بسيط ثم التوم ثم الكسبره الناشفه
وبعدين نضيف التوست وعين الجمل
ثم التوابل والملح
وننزل عليهم بشويه شوربه
ونتركهم يغلوا عاوزين سمكهم يبقى زى البشاميل كمده
ولو حسيتى انها تقيله عادى زوديهم شوربه
وكده يبقى الصوص وهو اساس الشركسيه جاهز
الارز هنسويه عادى خالص
الصوره ده قبل السوا نسيت اصوره بعد
الفراخ نخليها ونقطعها قطع
وبس كده خلصت الاكله
الاساس انها تتقدم فى سرفيس كبير
بنحط الارز الاول وبعدين قطع الفراخ وعليها الصوص
بس ده لو كان عزومه
لكن انا عملتها عادى فغرفتها فى طبق منفصل ليا وزيه لجوزى بنفس الترتيب
وده الشكل
اقرب تجنن بجد وطعمها حلو اووى
زوووووووووووم
زووووووووووم اكتر
ان شاء الله تجربوها يا فتوكات
وتعجبكم
وزى كل مرة متنسوش الردود الحلوة بتاعتكم
والتقييم
سلام
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى