بسم الله الرحمن الرحيم
ازيكم حبيباتى يارب تكونوا بخير دايما
النهاردة حقدملكم السمك المشوى بالسمك الماكريل
رووووووووووعة بمعنى الكلمة
والاكلة دى بتتميز بثلاث حاجات
انها جميلة جدااااااااااا
وسهلة
ورخيصة
اول حاجة بعد تنظيف السمك
اننا نتبله بالملح والتوم المفروم والكسبرة الناشفة والكمون من جوه وبره
ونعمل خلطة لحشو السمك عبارة عن جزر مبشور وكسبرة خضرا مقطعة
ونحشى بيها السمك من جوه
شوفتو الموضوع سهل ازاى
وبعد كده نحط ردة على السمك من الجهتين ونرصه على صاج الفرن ونرش الصاج شوية ردة ثم نرص السمك عليه بالشكل ده
ونرش شوية زيت على السمك بالشكل ده
وندخل الفرن الوالع من فوق وتحت انا حطيت الصاج فى الاول فى الرف التحتانى ولما حمر السمك من تحت طلعته الرف الفوقانى ليحمر من فوق عن طريق الشواية
ولما يخرخ من الفرن بعد سواه نعمله حاجة اسمها دقة السمك
عبارة عن توم مفروم نشوحه على النار مع كسبرة ناشفة ولما بيقى دهبى ننزل عليه بشوية خل مش كتير حوالى معلقة كبيرة ولما تبدى تغلى نطفى النار ونصبها على السمك المشوى
وبالف هنا وشفا
طبعا بتقدميه مع ارز سمك وسلطة طحينة يم يم
فى امان الله
التقييم اماااااااااااااااااانة مواضيع هذا القسم برعاية
شكشوكة بالفلفل شكشوكة بالفلفل 360618_8.gif ملكة فتكات Fatakat 360618 الاقصر – مصر
سبحان الله و بحمده