ازيكم يا فتوكات بصوا انا اول مره اكتب في القسم الطبخ فشجعوني بقي
بصوا انا مش ها طول عليكوا
ها قولكم علي الطريقه الي انا بعمل بيها فليه السمك وكل الي بيكولها من ايدي بيقولي بتعمليها الزاي نخش علي المقادير
بسم الله الرحمن الرحيم
المقادير
سمك فليه حسب الكميه الي تحبيها
6 فصوص ثوم بس الفصوص الكبيره مش الصغيره
معلقه كمون كبيره
2 لمونه
معلقتين خل كبار
بقدونيس وكزبره من كل واحده حوالي 5 اعواد
1/2 معلقه صغيره شطه
معلقه كبيره ممسوحه ملح
كوب كبير دقيق
بقسماط
نخش بقي علي الطريقه نجيب الثوم والكمون والشطه والملح ولمونه واحده والخل ونطحنهم انا بطحنهم مع بعض في مطحنه التوابل وبعد ما طحناهم نجيب البقدونس والكزبره نقطعهم صغير علي الخلطه واكيد هنكون قطعنا الفليه وبعدين نحط الخلطه علي الفليه ونخليها شويه علشان تتشرب في الخلطه بس استنوا مش كل الخلطه بنسيب معلقه صغيره منها ليه ؟؟؟؟
علشان هانجيب طبق غويط ونحط فيه الدقيق ونحط عليه حوالي كوب الا ربع ماء ونقلبوا ايوه احنا عايزينها عجينه ماويه بس تخينه شويه صغيره بس بعد كده ها حط عليه باقي الخلطه وكمان المونه الي بقيا ونجيب البقسماط في طبق مسطح لوحدوا
طريقه القلي
ناخد قطعه الفليه ونحطها في العجينه ونخرجها من العجينه نحطها في البقسماط ونكون حاطين طاسه القلي علي النار ونحط الفليه فيها وتتقلب من علي الجنبين وتطلع مقرمشه وتحطيها في طبق التقديم وزوقيه علي الطريقه الي تعجبك وبالهنا والشفا
ممكن جنبيه سلطه طحينه وبطاطس محمره او ارز ابيض وسلطه
يارب تكون عجبيتكوا وتجربوها
وياريت دعوه ليه ولاختي بالازواج الصالحه ومتنسوش التقييم علشان تشجعوني
اني احبكم في الله مواضيع هذا القسم برعاية
زوزو عباس زوزو عباس 420250_2.gif فتكات متميزة Fatakat 420250 الجيزه – مصر