الاول كل سنه وانتم طيبين رمضان قرب وطبعا لازم السمبوسه تكون موجوده ، فقلت انزلكم سمبوستي حبيبتي هششششششششششه ومن غير ما تتشرب ولا نقطة زيت ،وان شاء الله تعجبكم ، بسم الله
المقادير :
2 كوب دقيق
2 معلقه كبيره زيت
2 معلقه كبيره نشا ( وده بقه السر فيها بتخليها هشه اوي اوي )
معلقه صغيره ملح
ماء دافئ للعجن
الطريقه :
1ـ تعجن المقادير السابقه لحد ما تتكون عجينه متماسكه وتترك نصف ساعه لترتاح شويه …
2ـــ تفرد العجينه دايره كبيره وبشرط تكون رقيقه عشان ماتتشربش منك زيت وتقطع دواير صغيره …
3ـــ ناخد واحده واحده ونحشيها بأي حشوه انا عاوزها ،ودي الحشوات بتاعتي ( لحم معصج ، جبنه بيضه ، وجبنه مثلثات عشان بنتي بتحبها )…تابعوا بالصور ..
4ـــ بعد ما نخلص الحشو نقلي في زيت يكون حار ويدوب تحمر نشيلها علي طول عشان ماتتشربش مني زيت ..
وده بقه الشكل النهائي يارب تعجبكم …
وهنا كمان وبجد مش بتتشرب ولا نقطه زيت وهشه جداااا…
ردودكم الحلوه بقه يافتوكاتي والتقييم …
مواضيع هذا القسم برعاية
الداعيه ربها الداعيه ربها 465656_61.gif اللهم اشف امي شفاءا عاجلا Fatakat 465656 تبــــــوك – السعوديه