بسم الله الرحمن الرحيم
ازيكم يا فتوكات وكل سنه وانتم طيبين
وحشتونى بقالى كتير منزلتش مواضييع
وبصراحه انتو مبقتوش تشجعوا على ان حد يتعب نفسه وينزل حاجه
معرفش مالكم بصراحه
انا ملاحظه دلوقتى الكل بيشتكى من النقطه ده
المواضييع بتنزل وتاخد مجهود فى التصوير
وتصغير الاصور وكتابه الاسماء عليها ورفعها
وكتابه الموضوع وتنسيقه
وفى الاخر يدوبك كام رد وكام تقييم
يتعدوا على الصوابع
يا ريت نقدر تعب الناس
انا شخصيا بنزل مواضييع للافاده
وعلشان فعلا بلاقى ناس كتير بتستفاد وتدعيلى وده اهم حاجه عندى
بسسسسس برضه لما بلاقى تقيمات وردود ده بيشجعنى اكتر
المهم نبدأ بسم الله
مقادير تتبيله السمان
عدد سمان زى ما نحب انا تقريبا هنا كانوا 6
بصلايه كبيره
2 معلقه توم
نص كوب خل
نص كوب زيت
عصير 3 ليمونات
2 معلقه صويا صوص
2 معلقه مسترده
فلفله حاميه او نص رومى
طمطمايه
التوابل ( ملح وفلفل وبهارات وكمون وزنجبيل وقرفه وورق لورا وحبهان
هنحتاج نص كيلو لحمه مفرومه
100 جرام دهن كندوز او ضانى ( اللية )
بصلايه صغيره مبشورة
ملح وفلفل وبهارات وكبيبه صينى
الطريقه
للسمان هنغسله كويس اووى وخلى بالكم ده بيبقى زفر شويه
فلازم يتنظف كويس اووى ونفتحه من الظهر وننظفه من جوه كويس ويتنقع فى مايه بليمون وخل ودقيق
لغايه ما نلاقى ريحته حلوة ومفيهاش اى زفارة
نضرب كل المكونات مع بعض فى الكبه ونتبل بيها السمان كويس
وبعد كد نسيبه فى التتبيله على الاق 4 او 5 ساعات او الاحسن من بالليل للصبح
ويتشوى
نخلط المكونات مع بعض
ونضربهم فى الكبه ونصبعها على اسياخ وتشوى على الشوايه
ده صورة الكفته قبل السوى
وده السمان
ودول على الشواية
وده تبولة عملتها معاهم
وده الشكل النهائى بعد السوا
وبس كده يا رب تعجبكم وتجربوه
ومتنسوش التقييم والردود يا قمرات
سلام
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى