ازيكم ياجميلات فتكات
انهاردة عندنا طبق لذيذ انا شخصيا بموت فيه
هو السمان المحشى تعالوا نشوف صورة ونكمل
السمان جميل جدا وخفيف عن الحمام خفيف فى الاكل والسعر
نشوف المقادير
{1}4 سمانات تكون متجهزة للحشو
{2}رز ابيض مغسول نصف كيلو
{3}بصلتين مبشورين
{4}ملح وفلفل وبهارات وقرفة
{5}معلقة زبدة او زيت
اولا بنغسل السمان كويس جدا بس بالراحة لانه حساس جدا ممكن جلده يتقطع منك وتحافظى على جلد الرقبة وننقعه فى ماية وملح خل عشان الزفارة وبعدين نغسله بالماية كويس جدا
هنا نقعناه
وهنا بعد ماتتغسل كويس
وبعدين نغسل الرز ونجهزه و نبشر بصلة كبيرة ونضيف الملح والفلفل والبهارات واهم حاجة تكترى الفلفل الاسود ماتخافيش بيديله طعم جميل جدا
ونقلبهم مع بعض كويس
ولو من عشاق البصل ابشرى بصلة كمان ونزليها مع معلقة الزبدة
وشوحيها لحد ماتصفر كدة
تنزلى معاها الرز وتقلبى وايدك فيه بسرعة عشان مايلزقش وتشوحيه خمس دقايق
وتنزليه من على النار
وتبدئى تحشى السمان تحطى شوية رز جواه ومن عند الرقبة المهم ماتمليش كتير عشان الرز يستوى ومش تفرقع وكمان تحشى من تحت الجلد بتاع الصدر من عند الوراك بالراحة وتقفليه بخلة اسنان او تخيطيه المهم بالراحة وبخفية وخدى بالك ماتزوديش الرز وتخلصى كل الكمية تكونى مجهزة حلة فيها ماية اول ماتغلى تضيفى معلقة ملح وبصلة وورق لورا وحبهان وتنزلى السمان فيه يتسلق بعد اول غلوة وطى النار هيستوى بعد 40 دقيقة تطلعيه فى مصفى وتنزلى الرز الباقى يستوى فى شوربته هتلاقى طعم الرز روعة
كدة بعد مااتسلق وتدعكيه بمعلقة صلصة وتحمريه ويكون الرز استوى وتقدمى معاه طبق بطاطس محمرة ويوم ويعدى مع اكلة لذيذة وسهلة
ايه رائيكم ياقمرت يلا منتظرة ردوكم الغالية
واى حاجة انا تحت امركم
ودلينك السمان المعمر
صنية رز معمر بالسمان وفاصوليا بيضا وشوربة مكرونة مواضيع هذا القسم برعاية
نعمة من ربى نعمة من ربى 572666_3.gif Fatakat 572666 كفر الشيخ – مصر