السلطات حاجه اساسيه على السفرة المصرية
هنشوف اهم السلطات التى لاغنى عنها عند المصريين
طبعا فيه انواع كتييييييييير من السلطات بس السلطات اللى انا هقدمها اشهر انواع السلطات المصرية
بابا غنوج
وده من مطبخى بكامرتى
بيتكون من بتنجان ـ معلقة خل ـ عصير لمونه ـ نص كوباية طحينه ـ فص توم ـ ملح
اول حاجه بغسل البتنجان واخرمه بالشوكه واشوية على البوتجاز مش الفرن
وبعدين اقشره واهرسه واضيف عليه كل المكونات
وده بيكون شكله
وهنا مع البطاطس المحمرة
سلطة الطحينه
من مطبخى
نص كوباية طحينه ـ ميه دافيه ـ فصين توم ـ ملح ـ نص لمونه ـ معلقة خل ـ شطة حسب الرغبة
اول حاجه نضيف الميه حبه حبه على الطحينه مع التقليب حسب القوام اللى احنا عايزينه
ونضيف باقى المكونات
وده بيكون شكلها
سلطة الزبادى
علبتين زبادي خمس حبات خيار ملعقة ليمون
ملح ملعقة نعناع مجفف
الطريقة:
– يقطع الخيار مكعبات صغيره ثم يضاف إليه الزبادي والملح واليمون والنعناع .
السلطة الخضرا
طماطم ـ خيار ـ جرجير ـ بقدونس ـ بصل ـ خس ـ ملح ـ كمون ـ لمون
بكده اكون خصلت
اتمنى يكون الموضوع عجبكم
مواضيع هذا القسم برعاية
ام جنى ومريم ام جنى ومريم 627817_20.gif مشرفة الموقع Fatakat 627817 القاهرة – مصر