السلام عليكم .. يافاتوكات انا الحمد لله حامل فى الاسبوع ال11 يعنى نص الشهر الثالث ان شاء الله وحصلى اجهاض منذر فى اول اسبوع فى الثانى وكنت بتحرك كتير وبنزل كتير الدكتورة اديتنى مثبتات ونمت على ضهرى شهر ولما رحت قالتلى خلاص تقدرى تنزلى شغلك انا خايفة اوى انتو ايه رايكو انزل شغلى لانى بقالى شهر المفروض انزل وقالولى لو منزلتش الاسبوع دة هيروح عليا الشغل خلاص .. المهم انا خايفة اوى على البيبى انا ساكنة فى 6 اكتوبر وشغلى فى رمسيس مش عارفة محتارة اوى انزل الشغل ولا لا دة اول حاجة .
تانى حاجة انا بقالى شهر بيجيلى افكار وحشة اوى يابنات ان ممكن لا قدر الله لا قدر الله يكون الطفل فى اى حاجة تشوهات او اى اعاقة لا قدر الله مش عارفة ليه كدة الاحساس دة مع ان الحمد لله عيلتى وعيلة زوجى مفيهمش حاجة الحمد لله واحنا مش قرايب خالص بس انا خايفة اوى هو امتى بتطمنو من الدكتور ان الحمد لله الطفل سليم ؟ كمان بحس انى هموت وانا بولد وافكار وحشة كتييييييييييير انا تعبت بجد .اسفة طولت عليكو بس ياريت حد يفيدنى فى حيرتى
lovlyprincess2016 lovlyprincess2016 فتكات نشيطة Fatakat 91494 القاهرة – مصر
سبحان الله و بحمده