السلام عليكم ورحمة الله وبركاته
اللهم صل وسلم وبارك على سيدنا محمد وعلى اله وصحبه اجمعين
ازيكم ياقمرات
زى العنوان مابيقول انا كنت عايزه اسالكم
هل السفر فى التاسع غلط
انا كنت والده قبل كدا قيصرى والدكتوره خوفتنى من السفر قالتلى ممكن يحصل انقباضات فى الرحم وحاجات كدا
وانا عايزه انزل بلدى اولد مش عايزه اولد فى غربه
فيااااااااريت يبنات تقولولى على تجاربكم ولو حتى حد عنده تجربه سيئه لاقدر الله يقول عليها علىشان نعرف ايه ممكن يحصل
هل بجد علشان انا ولدت قيصرى قبل كدا يبقى فيه ضرر
علما بانى هنزل اخر اسبوع فى التامن او بالكتيييييييير اوى اول يوم التاسع
ومعلومه كدا على الماشى
للى كان بيسال هل بيسمحوا بالسفر
فانا سالت فى شركات الطيران
طيران الجزيره بيسمحوا بالسفر للاسبوع ال27 بدون تقرير ولا اى حاجه
ومن الاسبوع ال27 للـ 32 بيسمحوا بالسفر شرط وجود تقرير طبى بان الحامل حالتها تسمح بالسفر
اما بعد الاسبوع ال32 ممنوووووووووع ممنووووووووووع السفر
اما بقى مصر للطيران عادى بيسمحوا بالسفر فى اى وقت شرط وجود تقرير طبى بان حاله الحامل كويسه وتسمح بالسفر
بس لو معاكى تقرير وبان عليكى انك تعبانه من شكلك بيمنعوكى من السفر
يااااااريت بقى تردو عليا وتطمنونى وقولولى تجاربكم
فى رعاية الله
dody 7bib mama dody 7bib mama 194468_1.gif فتكات رائعة Fatakat 194468 الاسكندريه – مصر