السلام عليكم يا فتوكات يا حبايبى انا بقالى فتره كبيره جدا بدخل هنا فى هذا القسم وبستفيد حاجات كتير جدا منكم ببجد ربنا يجازى كل واحده عارفه معلومه وتقولها وماتكتمهاش
انا طبعا كنت فاكراه نفسى شاطره فى الأكل وفى المطبخ لانى بموت فى المطبخ وتقريبا ما بخرجش منه بس طبعا عرفت انى ميح لما كنت بقرأ مواضعكم الجميله
وكتبت فى اول مشاركه ليا اسرار الكشرى من افخم المحلات وده لينك الموضوع
https://fatakat.univanet.com/#2239024
وطبعا بعد ماشجعتونى بتقييمك ليا وتشجعكم ليا فى موضوعى الأولانى قررت اكتبلكم اسرار جديده
وسر انهاردا هو سر الفراى تشيكن اى الرفاخ الكنتاكى
بجد هتعملوها هتباء زى كنتاكى بالظبط
بس بقولكم اهه لازم كلكم تقيموا موضوعى زى الأولانى علشان اظبطه فى الموضوع اللى بعده ما انا قلتلكه قبل كده لازم تشاجعونى انى اكتبلكم اسرار كتير اصل انا هوايتى انى اعرف اسرار الأكل بتاع باره
فأكسبونى لمصلحتكم سامعيييين
بسوا باء يا فتاكيت يا حلوييين تعالوا معايا اقولكم على اسرار كنتاكى
هنجيب الفراخ كيلو ونص او اكتر مش اقل من كده علشان تديكى كتييير ونقطعها 10 قطع
ماتستغربوش 10 قطع يعنى ازاى هنقطع الأول 4 عادى تعالوا باء عند الصدر … الصدر الواحد هيقطع 2 يباء كده عندنا الصدر باء 4 تمام والقطعه باء اللى هى القفص الصدرى تباء لوحدها ماترموهاش بتباء حلوه اوى فى المصمصه لما بتتعمل اصلى بموت فى المصمصه هههههههههه يباء كده النص اللى فوق بتاع الصدر باء 5 تمام
الأوراك باء طبعين الدبوسين لوحدهم وباقى الورك هنسيبه يباء فاضل الفاصل اللى بينهم ده هنخليه لوحده يباء كده الأوراك بائت 5 تمام كده
دى طريقهتى فى التقطيع علشان نمصمص براحتنا هههههههه
وكل واحده طبعا وطريقتها وممكن تجيبى دبابيس بس من عند الرجل او حسب الرغبه
تعالوا باء عند التدبيله : وهى اهم حاجة اكتبوا معايا هرقمهم علشان ماتهوش
1 – 2 ليمونه
2 – 2 معلقه خل
3 – كسبره ناعمه ناشفه
4 – ملعقه كبيره سماء
5 – 4 فص ثوم مبشور
6 – ملح وفلفل
7 – ماء بصله ( يعنى نفرم بصله جامد جدا وبعد كده نضعها فى مصفه صغيره ونضغط عليها لغايه ما ننزل المياه اللى فيها كلها )
خلاص هندبل الفراخ بالتدبيله دى وهنضعها فى الثلاجه لمده 16 ساعه
ايه 16 ساعه ايوه 16 ساعه ماتتخديش يا فتوكه
يعنى دبيليها بليل قبل ماتنامى واصحى الصبح اعمليها على الغذاء يعنى لو دبلتيها مثلا الساعه 11 او 12 بليل وتنامى والصبح مثلا هتعمليها على الساعه 3 او 4 يباء كويس
المهم ركزوا هى لازم تقعد فى التدبيله اقل حاجه 16 ساعه يعنى كل ماتزيد بتباء احسن عارفييين ليه باء لان التدبيله دى هى اللى بتساويها فى التحمير من غير سليق لان طبعا فى ناس كتير اوى بيسلقوها وبعد كده يحمروها بالبيض والبقسماط وخلاص وفكريين ان دى هى الكنتاكى اسفه انى بقولهم كده غلط
بس ان الأوان باء نعرف الصح
فهمتوا يعنى مفيش سليق خالص والله بعد ماتدبليها لو شدتي لحم الفراخ بأيدك هتلاقى زى المستوى الخل مع الليمون بيهره اللحم بيخالى زى المستوى فاهمييين
وطبعا كل ماتسبوها اكتر بتباء احسن انا عموما بطلع الفراخ الصبح واغسلها وادبلها واشيلها فى الثلاجه لغايه بكره يعنى بتقعد يوم معايا كامل
كل واحده باء وراحتها
تعالوا باء عند التحميييير
وهقولهم على شكل خطوات
1 – هنضع عادى قطع الفراخ اولا فى الدقيق ونضع شطه فى الدقيق لمحوبين السبايسى
2 – فى البيض بدون لبن وبقرر تانى بدون لبن علشان يقرمش طبعا وممكن يدبل حسب الرغبه
3- تدبيله باء معموله من ايه ( 2 كوب دقيق ذره + كوب دقيق عادى + بارات وممكن سبايسى ) وشطه لمحبى السبايسى
تعالى باء عند التحمييير يا سكره ركزوا
ياسلام باء ويابخت اللى عندها قلايه كهرباء هتظبطها ادعولى اجيب واحده مع انى فقر جوزى عرض عاليا يجبهالى فى عيد الأم من سنتيين وانا رفضت ال ايه بحب احمر على البوتاجاز فقر بعيد عنكم
هنحط طبعا الطاسعه على العين الكبيره هنضع طبعا زيت غزير ونسخنه كويس وبعد كده نوطى عليه ونضع الفراخ ونعلى حاجه بسيطه جدا جد اكأنها واطيه يعنى بس ونسبها تستوى لمده نصف ساعه او اقل على حسب وماتخفوش مش هتشرب زيت خالص بس اكتر حاجه بتخد سواء الأوراك خالى بالكم بس اطمنوا هتكون مستويه جدا وهتشوفوا بنفسكم
وقدميها مع ارز بالكارى وكول سلو علشان تحسوا انكوا فى كنتاكى
ان شاء الله هتعجب اولادكم جدا ومش هيبطلوا يطلبوها والكبار كمان
ماتنسوش الدعوات بصلح الحال وبستر بناتى
مش تكلوا وخلاص لا ادعولى اول ما تسموا بسم الله مواضيع هذا القسم برعاية
happy ahmed happy ahmed 290949_3.gif فتكات رائعة Fatakat 290949 القاهره – مصر