فتوكاتى حبيباتى اسعد الله مساكم بكل خير ويارب الكل يكون فى احسن حال
قبل مااقولكم وصفتى النهارده محتاجه منكم دعوه فى سركم بتفريج الكرب وتيسير الامر وربنا يتقبل منكم جميعا يارب
الوصفه النهارده سهله وبسيطه وتنفع غدا او سانوتشات للعشا ده الى جانب انها تغيير فى روتين الاكل اللى مزهقنا كلنا
النهارده عملت السجق الاسكندرانى وقدمته مع سلطه ومكرونه وبطاطس محمره يلا بسم الله اقول لكم على المقدار اللى انا عملته وفيكى تزودى كل حد على حسب عدد افراد اسرته
المقادير
نص كيلو سجق
بصلتين مقطعين جوانح
فلفل اخضر مقطع رفيع
5فصوص توم مبشوره
طماطم مقطعه صغير
معلقه زيت واحده (لان السجق بيبقى فيه دهون )
بهارات خفيفه اذا حبيبتى لان السجق بيكون مبهر كويس (انا بس بضيف شويه فلفل اسمر)
الطريقه
نسخن الزيت وننزل بالبصل اول حاجه لغايه اما يدبل
ننزل عليه بالفلفل الاخضر والتوم ونقلب شويه
ننزل بالسجق ونقلب كويس لغايه اما يبدا ينزل ميته تغطى عليه كده خمس دقايق
اول ما يبدا ينشف نضيف الطماطم المقطعه ونقلب ونهدى عليه خمس دقايق كمان وطبعا نضيف الفلفل الاسمر ونظبط الملح
ملاحظات
ممكن تتعملى السجق كامل وممكن تقطعيه مكعبات انا هنا قسمت الواحده اتنين بس
ممكن تشوحى السجق قبل ما تحطيه مع البصل بس انا معملتش كده
ممكن تدخليه الفرن ياخد لون بس انا لقيته مش محتاج لانى قلبته كويس مع البصل والفلفل واخد لون معقول بس كل واحد ورغبته
ندخل على الصورررررررر
ودى الصوره النهائيه
ودى كماااااااااااااااااااااااااااااان
اتمنى تكون الوصفه عجبتكم مستنيه تتعليقاتكم اللى هتسعدنى والتقييم لو استاهل واوعوا تنسونى من دعواتكم ربنا يتقبل يارب
والى وصفه اخرى دمتم فى حفظ الرحمن مواضيع هذا القسم برعاية
ام لؤلؤ وميوره ام لؤلؤ وميوره 215892_3.gif فتكات ست الكل Fatakat 215892 مملكتى الخاصه – الدنيا الواسعه