بسم الله الرحمن الرحيم
طبعا موسم الزيتون خلص بس اعمل ايه عقبال ما خللته ههههههههه
دى طريقه ماما الله يخليها ليا فى تخليل الزيتون المخلل الاخضر
اول حاجه بنجيب الزيتون وبنقى الحلو بس وبنغسله كويس ونشقه بسكينه
بنلفه بملح خشن يعنى بنحط عليه ملح خشن كتير ونقلبه ونسيبه فى الطبق يوم كامل
بعد كدة بنضيف عليه ميه وبنقلبه ونسيبه اسبوع
بيبدا شكله يتغير ويستوى من الملح
بعد اسبوع بنصفيه من الميه عشان بتبقى فيها المرارة كلها
دة شكل الميه اللى طلعت منه
بنحطه فى برطمان زجاج او بلاستيك
طبقه زيتون وطبقه شطه حارة بتخليه روووووووووووووووعه
بعد كدة بنضيف ميه بملح لغايه ما نملى البرطمان
وفوق خالص بنحط زيت على الوش
بنغطى البرطمان بكيس
ونقفله كويس وبعد اسبوع او اتنين ممكن تاكليه
ودة شكله بعد ما استوى
ودة الشكل النهائى
مواضيع هذا القسم برعاية
ommarem ommarem 310226_4.gif فتكات ست الكل Fatakat 310226 الجيزة – مصر