ازيكو يا فتوكات عاملين ايه في الحر ده
بما ان الجو حر والواحد مش قادر علي الوقفه في المطبخ وله الطبيخ وله كمان حد
قادر ياكل طبيخ قررت اني اعمل مشاوي النهارده
عملت ريش ضاني وفراخ مشويه
اولا الريش تبلتها من بليل ب
طمطمايه
قرن فلفل
بصلايه
ملح وفلفل وتوابل لحمه
ليمونه ومعلقه خل
صويا صوةص معلقه مسترده
تانيه حاجه الفراخ خليت الفررجي يقطعهالي شيش
بتبقي كتير ومبتخدش سوي علي الشوايه
التتبيله
كوبايه زبادي معلقه صلصه
ملح فلفل بهارات فراخ
نص ليمونه معلقه خل
صويا صوص معلقه مسطرده
هنا حطيتهم علي الشوايه هي كانت سخنه
هنا خلاص قربو يستوي
هنا طبق الفراخ المشويه ومعاه بطاطس محمره
وهنا طبق الريش رحتها كانت تجنن
وعملت معاهم لزوم المشاوي سلطه طحينه وسلطه بابا غنوج
طبقين الفراخ والريش قبل ما يتحطو علي السفره
وعملت جمبهم طبق رز بشعريه للواد كيمو
وطبق ورق عنب لابو كيمو
انا كده خلصت اخر حاجه عايزه دعوه حلوه كده ربنا يخليلي كريم ويرزقني باخ او اخت ليه
في امان الله
سلام يا حلوين
مواضيع هذا القسم برعاية
ام كيمو الامور ام كيمو الامور 466693_2.gif فتكات ست الكل Fatakat 466693 حلوان – مصر