السﻻم عليكم ورحمة الله وبركاته
انا عضوه جديده هنا وحسيت ان انتم بتحبو بعض وبتفيدو بعض وده اللى شجعنى اتكلم معاكم
انا كنت حامل من كام شهر بتوأم بس نزلو ف الشهر الخامس وبعدها عملت اشعه صبغه ولقيت
عندى رحم اسمه ذو قرن واحد عشان كده الرحم مستحملش الحمل واوﻻدى نزلو والحمد لله
والدكاتره قالولى ﻻزم تعملى حاجه اسمها ربط عنق رحم ف الشهر التانى من الحمل وانا دلوقت
سافرت لزوجى وربنا اكرمنى الحمد لله وحملت والمفروض ان لما الشهر التانى يخلص اعمل الربط
وانا بصراحه خايفه اوى وعرفت ان الرحم اللى زى بتاعى ده مبيستحملش الحمل وخايفه اوى من
العمليه وانا لوحدى هنا ومش بتحرك من مكانى خالص وحتى مش بعمل اكل لجوزى وﻻ بعرف اعمل
حاجه لنفسى ياريت لو حد يعرف حاجه عن عملية الربط دى والحياه بعدها عامله ازاى ولو حد مر
بتجربه زى دى بعد الشر عنكم طبعا طمنونى الله يطمن قلوبكم وادعولى بضهر الغيب ..
والله اعلم والله اعلم فتكات حبوبة Fatakat 1238849 جده – السعوديه